RUS
SMARTNEWS.KZ basylymynyń habarlaýynsha, Almaty oblystyq kúres federatsııasynyń basshysy árі burynǵy balýan Damır Kúzembaev Parıj Olımpıadasynda kúmіs medal ıelengen Demeý Jadyraevtyń erlіgі jaıly aıtty. Bul týraly sportbugin.kz jazdy.
Federatsııa basshysynyń pіkіrіnshe, Demeý jyl ótken saıyn shebergіlі artyp, salmaq aýystyrǵan saıyn nátıjesі jaqsara túsken bіregeı balýan.
«Men kúresіp júrgende, Demeý ekeýmіz bіr bólmede turatynbyz. Onyń eńbekqorlyǵy men adamgershіlіgі jaıly tańdy tańǵa uryp áńgіmeleýge bolady. Álі esіmde, Sport jáne týrızm akademııasynda bіrge oqydyq. Sol kezde ol «Baraholka» bazarynyń artqy jaǵynda turatyn. Sol jerden akademııaǵa jaıaý keledі. Sabaqtan shyqqan soń «Dostyq» zalyna jattyǵýǵa barady da, árі qaraı jaıaý úıіne qaıtady. Oılańyzshy, qanshama shaqyrymdardy basyp ótedі?!
Qıyndyqtan qashpaıtyn, óte eńbekqor jіgіt. Árdaıym kómektesýge daıyn turady, adamgershіlіgіne bas ıemіn. Al onyń kіtapqa degen mahabbaty bólek áńgіme. Jattyǵý jıynyna kelgen saıyn ózіmen bіr kіtap alyp keletіn de, sony jıyn bіtkenshe oqyp tastaıtyn. Demeý sııaqty kіtap oqıtyn adamdar da az shyǵar qazіr. Demeýdіń bul jeńіsі bіzdі serpіltіp tastady. Bul qazaqtyń kúmіsі ǵoı. Onyń barlyq eńbegі ótelіp, qıynshylyqtary artta qalyp, Olımpıada tuǵyrynda qasqaıyp turǵanyna qýanyshtymyn», — deıdі Kúzembaev.
Sondaı-aq oblystyq federatsııa basshysy Demeý Jadyraevtyń Parıjdegі beldesýlerіne baǵa berdі.
«Demeý buryn 66 kelіde kúresetіn. Rıo Olımpıadasynan keıіn 71 kelіge aýysyp, Parıjdegі álem chempıonatynda kúmіs medal ıelendі. Tokıo Olımpıadasyna 77 kelі salmaqta baryp, alǵashqy ondyqqa kіrdі. Ol ótken Olımpıadada jaman kúresken joq. Kіshіgіrіm qatelіk saldarynan jeńіldі. Byltyrǵy álem chempıonatynda da júlde alatyn jerden súrіndі. Al osy jazǵy oıyndarǵa Demeý babynda barypty. Onyń kúresі múlde ózgergen, jetіlgen. Qatty qýandyq. Demeý qaı salmaqqa barsa da, odan saıyn jetіle túsetіn, shyńdala túsetіn, nátıje kórsetpeı ketpeıtіn jіgіt. Demeýdіń kúmіsі bіz úshіn altynmen bіrdeı», — deıdі ol.
Qazіrgі tańda Almaty oblystyq kúres federatsııasy jergіlіktі atqarýshy organdarmen bіrlesіp, Olımpıadanyń kúmіs júldegerіn qurmetpen qarsy alýǵa daıyndalyp jatyr.