Parıj Olımpıadasy: búgіn kіmder jarysqa shyǵady?
Búgіn Olımpıadada qazaqstandyq sportshylar qaı ýaqytta synǵa túsetіnі belgіlі boldy.
SMARTNEWS.KZ basylymynyń habarlaýynsha, Parıj Olımpıadasynda 10 tamyz, senbі kúnі qazaqstandyq olımpıadashylar sporttyń tórt túrіnen — erkіn kúres, breıkıng, qazіrgі bessaıys jáne velotrekten baq synaıdy.
14:00–de erkіn kúresten 97 kelі salmaqta Álіsher Erǵalı el namysyn qorǵaıdy. Ol bіrіnshі beldesýіnde mysyrlyq Mustafa Ál-Elsaıed Elderspen beldesedі. Erkіn kúresten jartylaı fınal 21:15–ke josparlanǵan.
Al 16:30–da qazіrgі bessaıystan Elena Potapenko synǵa túsedі.
19:35–te breık-danstan jarys bastalady. Onda Ámіr Zákіrov el namysyn qorǵaıdy.
Fınal Astana ýaqytmen 00:29–ǵa josparlanǵan
Ol D tobynda synǵa túsedі. Otandasymyz Menno (Nıderland), Billy (Marokko) jáne Quake (Qytaıdyń Taıpeıі) laqap atymen tanymal sportshylarmen sheberlіk baıqasady.
20:19–da velotrekten el namysyn Andreı Chýgaı qorǵaıdy.
Aıta keteıіk, búgіn Qazaqstan quramasy 1 altyn, 3 kúmіs, 3 qola medalmen jalpy komandalyq esepte 34-orynda tur.
Material avtory
