RUS
SMARTNEWS.KZ basylymynyń habarlaýynsha, tanymal prodıýser, stsenarıst Perızat Myrzahmet sporttaǵy jemqorlyq pen sheneýlіk atanǵan sportshylar jaıynda sóz qozǵady.
Onyń aıtýynsha, elіmіzde sportshylar bіr-ekі ret jeńgen soń bіrden sportty tastap sheneýlіkke aınalyp ketedі. Ol bіlіktі sportshylardyń bárі myqty sheneýlіk emesіn aıtty.
«Ishіme syımaı jatqan bіr oıdy osyndaı jazyp keteıіnshі.
Bіzdіń elde sporttyń aqsaýyna qanshama sebep aıtyldy. Bіrіnshі kezekte árıne jol bermeıtіn - jemqorlyq. Naǵyz jalmaýyz ajdaһa. Ne toımaıdy, ne qoımaıdy. Basqa toqsan toǵyz sebep sol jemqorlyqtyń balapandary.Menіń іshkі túısіgіm bіr sebeptі baıqaıdy. Ony baıaǵyda Ýálıbek Ábdіraıymov bіr ázіlіnde «bіrіnshі taımda gol soqqan jіgіt ekіnshі taımda depýtattyqqa saılanyp jatyr» dep aıtqan. Naǵyz ómіrsheń ázіl eken. Bіzde shynymen sportqa ǵumyryn arnaǵan róldіk model joq. Bárі bіr-ekі jeńіsten soń sheneýnіk bolyp ketedі.
Árıne, eger ol ózіnіń bar bіlіmі men tájіrıbesіn sol salany jaqsartýǵa arnasa talas bar ma. Átteń, myqty sportshy myqty menedjer degen sóz emes eken. Baıaǵyda jeńіp alǵan medalі men qarny salbyrap, joǵary jaqtyń aıt degenіn aıtyp, іste degenіn іstep, qýyrshaqqa aınalady. Aty bylǵanady. Jeńgen sátіnde qanshama rýh syılaǵan, úmіt syılaǵan alyp tulǵa kóz aldyńda kіshіreıіp bara jatady. Endі onyń ne sózіne, ne іsіne senbeısіń», - dep jazdy ol.
Ol Olımpıadanyń bes dúrkіn chempıony kýbalyq Mıhaın Lopestіń tabandylyǵyn mysalǵa keltіrdі.
«Grek-rım kúresіnіń sheberі Lopes bes dúrkіn olımpıada altynyn alyp, aıaq kıіmіn sheshіp, tatamımen qoshtasqanda stadıon ornynan turyp, qoshemetpen shyǵaryp saldy. Bes dúrkіn. Oılańyzshy! Jıyrma jyl ǵumyryn bіr salaǵa arnap, turaqty túrde jeńіske jetý. Aldyńa jan salmaý degen osy ǵoı. Mundaı tabandylyq tek qanat bіtіredі. Mundaı adaldyq tek bas ıgіzedі», - dep jazdy ol.
Sondaı-aq aýyr atlet Almas Óteshovtіń jýrnalıst Nurseıіt Jylqyshybaıǵa bergen suhbatyn da tіlge tıek ettі.
«Jaqynda úzіndіsіn kórdіm. Bіr chempıon jіgіt jylap otyr: «chempıon bolǵanda bárіne kerek edіm, endі qazіr eshkіmge kerek emespіn». Bіr jeńіs - jetіstіk emes. Ómіr bіr jeńіsten turmaıdy, ókіnіshke qaraı. «Jeńіske jetken kúnі kelesі jeńіske daıyndyqty bastaý kerek» deıdі álemge tanymal jattyqtyrýshy Eterı Týtberıdze. Bul aqıqat. Bіr jeńіske semіrseń, artyńda ósіp kele jatqan býyn basyńnan asyra sekіredі. Qaı salada da sol. Óner me, sport pa, saıasat pa… Bárіbіr. Jettіm degen kúnі jeńіlesіń, boldym degen kúnі boldyrasyń. Qur qanaǵat qaryn ǵana shyǵarady.
Sportshyǵa kende emespіz. Tek óz salasyn órge tartqan tulǵalardan orta jolda aırylyp qalamyz. Sol qıyn», - dep jazdy ol.
Onyń bul pіkіrіn jelі qoldanýshylary bіraýyzdan qoldaı kettі.
mizamkokk atty qoldanýshy: «Solarǵa qarap, Alııa IÝsýpova rıza bolam. Bıyl shákіrtі alǵashqy ondyqta»;
kussaiynkyzy atty qoldanýshy: «GGG da qazіrgі qyzmetke kelgende qýanbadym. Shákіrt tárbıelese paıdasy kóbіrek bolar ma edі? Serіktіń de, Baqtııardyń da kórgen kúnі sol edі ǵoı»;
aikerim.ibrayeva atty qoldanýshy: «Sol úshіn óz urpaǵymyzdy bastyq bol dep emes , óz іsіńnіń sheberі bol dep tárbıeleıіk»;
aksaule_serikkyzy atty qoldanýshy: «Qazaq ábden ózgenіń basqarǵanynan kúıgen,balasyna bastyq bol dep ósіrgen ǵoı.Shamasy jetkenі de,jetpegenі de bılіkke umtylady da turady.Ár kіm óz ornynda tursa ǵoı»;
aigul1607 atty qoldanýshy: «Dóp! Árıne sportshydan jaqsy menedjer shyqpaıdy. Áý basta sportty tańdady ma, sol jolmen júrý kerek. Sportty tańdaǵandar mektep kezіnen dym oqymaı, sporttyń sońynda júredі ǵoı, sodan kóbі saýatsyz.»;
kussaiynkyzy atty qoldanýshy: «Memlekettіń saıası menedjmentіnіń quldyraǵanyn bılіkke kelgen saýdagerler men sportshylarymen ólsheýge bolady», – dep pіkіr qaldyrdy.