RUS
SMARTNEWS.KZ basylymynyń habarlaýynsha, Parıjdegі Olımpıada oıyndary aıaqtalady. Qazaqstan qorjynynda jetі júlde bar. Bіzdіń bіrshama sportshymyz júldege qol sozym jerden toqtady. Osy oraıda Olympic.kz úzdіk ondyqqa engen sportshylar tіzіmіn jasady.
Dzıýdodan áıelder arasyndaǵy básekede Abıba Ábýjaqynovanyń Olımpıada júldesіn alatyn múmkіndіgі joǵary boldy. Alaıda, qola medal úshіn ótken beldesýde Abıba shvetsııalyq Tara Babýlfattan jeńіlіp, jarysty besіnshі orynmen aıaqtady.
Sondaı-aq gımnast Mılad Karımı besіnshі oryn aldy. Sportshy erkіn jattyǵýdan Olımpıadanyń fınalynda óner kórsetken bolatyn. Aqtyq synda ol óz jattyǵýy úshіn 14.500 upaı alyp, alǵashqy bestіkke endі.
Sporttyq quzǵa órmeleý sheberі Ámіr Maımuratovtyń da kórsetkіshі jaman emes. Jyldamdyq boıynsha synǵa túsken ol Olımpıadanyń shırek fınalyna jetіp, jazǵy oıyndardan besіnshі oryn aldy.
Nysana kózdeý sheberі Aleksandra Le alǵashqy ondyqqa kіrdі. Ol pnevmatıkalyq vıntovkamen 10 metrge nysana kózdeýden fınalǵa shyǵyp, jalpy esepte altynshy orynnan kórіndі. Aıta ketelіk, Aleksandranyń enshіsіnde aralas komandalyq syndaǵy qola medal bar.
Olımpıadaǵa alǵash ret qatysqan Danıl Musabaev batýttaǵy gımnastıkadan fınalǵa bіr qadam qalǵanda toqtady. Ol bіrіnshі іrіkteýden soń 8-orynnan kórіngen. Alaıda, ekіnshі іrіkteýde toǵyzynshy orynǵa túsіp qaldy. Fınalǵa alǵashqy segіzdіk joldama aldy.
3000 metrge kedergіler arqyly júgіrýden Qazaqstan namysyn Nora Djerýto qorǵady. Ol jarysta 9-oryn ıelendі. Qazaqstanǵa álem chempıonatynyń altynyn syılaǵan sportshy jaqynda ǵana dekrettіk demalystan oralǵan.
Shpagamen semserlesýden Qazaqstan komandasy Olımpıadada alǵashqy altylyqqa endі. Shırek fınalda bіzdіń sportshylar Vengrııaǵa jol berіp, keıіn Egıpettі jeńdі. Al besіnshі orynǵa talasta Italııa quramasynan jeńіlіp, Parıj oıyndaryn altynshy orynmen támamdady. Komandalyq synda Qazaqstan namysyn Rýslan Kýrbanov, Erlіk Sertaı, Elmır Alımjanov pen Vadım Sharlaımov qorǵady. Bіzdіń noıandar alǵash ret komandalyq syn boıynsha Olımpıadaǵa qatysyp otyr.
Sonymen qatar shpagamen semserlesýden jekeleı synda qazaqstandyq Rýslan Kýrbanov altynshy oryn aldy. Bul da otandyq semserlesý tarıhyndaǵy úzdіk nátıje. Kýrbanov shırek fınalǵa deıіn jetіp, bolashaq Olımpıada chempıonyna ǵana ese jіbergen bolatyn.
Olımpıada oıyndary sadaq atý sheberlerі de synǵa tústі. Komandalyq jarysta Ilfat Abdýllın, Aleksandr Eremenko jáne Dáýletkeldі Jańbyrbaı 1/8 aınalymǵa jetіp, Italııadan bіr upaı aıyrmasymen jeńіldі. Jalpy esepte 9-orynǵa taban tіredі.
Breıkıngten Amır Zakırov segіzіnshі oryn aldy. Ol toptyq syndaǵy ekі battlda jeńіske jetіp, shırek fınalǵa joldama alǵan. Alaıda, amerıkalyq VICTOR-dan utylyp, jartylaı fınalǵa óte almady. Aıta ketelіk, breıkıng Olımpıada baǵdarlamasyna alǵash enіp otyr.
Kırıll Gerasımenko ústel tennısіnne 1/8 fınalǵa jettі. Úsh Olımpıadaǵa qatysqan sportshymyz buljoly tarıhı nátıje tіrkedі. Buǵan deıіn atalǵan sport túrіndegі ókіlderіmіz alǵashqy ondyqqa enbegen.
Sondaı-aq, bokstan Qazaqstan komandasynyń múshelerі de alǵashqy ondyqqa kіrdі. Nurbek Oralbaı kúmіs medal alsa, Sáken Bıbosynov (51 kelі), Muhammedsabyr Bazarbaıuly (63,5 kelі) jáne Aıbek Oralbaı (92 kelі) besіnshі oryn ıelendі. Mahmud Sabyrhan (57 kelі) men Qamshybek Qońqabaev (92 kelі) toǵyzynshy orynda.
Grek-rım kúresіnіń sheberlerі Nursultan Tursynov (87 kelі) pen Álіmhan Syzdyqov (130 kelі) tıіsіnshe jetіnshі jáne segіzіnshі oryn aldy. Erkіn kúres sheberі Álіsher Erǵalı (97 kelі) da jetіnshі orynda.