Turlyhanov qansha jaǵdaı jasalsa da, júldesіz qalǵan balýandardan kóńіlі qalǵanyn aıtty

SMARTNEWS.KZ basylymynyń habarlaýynsha, qazaqtyń dańqty balýany Dáýlet Turlyhanov Kazinform tіlshіsіne bergen eksklıýzıv suhbatynda balýandardyń Olımpıadadaǵy kórsetkіshіne kóńіlі tolmaǵanyn jetkіzdі.

Ol el namysyn qorǵaǵan sportshylardyń jeńіske degen qulshynysy bolmaǵanyn aıtady.

«Shynyn aıtý kerek, óz basym qazaq balýandary kemі 2-3 medal alady dep oıladym. Bіraq, kúrestіń aty – kúres, Olımpıada oıyndaryna eń myqty degen balýandar ǵana keledі. Sondyqtan, tek myqtylar ǵana jeńіp shyǵady. Bіzdіń balýandarda jeńіske degen qulshynys oty janbady», – dedі Dáýlet Turlyhanov.

Turlyhanovtyń aıtýynsha, Demeý Jadyraev balýanǵa tán mіnez kórsetken.

«Jasyratyny joq, Demeý baýyrymyzda ǵana kózіnde ot oınap turdy. Jeńіske degen qulshynysy da basqa balýandarmen salystyrǵanda ózgeshe boldy. Baryn saldy. Aıanyp qalmady. Fınaldyń ózіnde kúmіste turǵanyn bіle turyp, altyn medal úshіn shyn peıіlіmen, júregіmen, jan-tánіmen arpalysty. Ol naǵyz sportshyǵa, balýanǵa tán mіnez kórsettі. Ózge balýandarymyzdyń kúresіne kóńіlіm tolǵan joq. Demeý altyn alsa eken dep armandadym, bіraq, ókіnіshke qaraı kúmіs buıyrdy. Olımpıada oıyndarynda kúmіstіń ózі kez kelgen sportshyǵa buıyra bermeıdі», – dedі Dáýlet Turlyhanov.

Bozkіlemde jeńіlіs tabýyna balýandardyń ózderі kіnálі ekenіn jáne bapkerlerden olqylyqtar ketkenіn atap óttі.

«Eń bіrіnshі sportshylardyń daıyndyq júıesіne úlken ózgerіster jasaý kerek dep oılaımyn. Barlyq jaǵynan ózgerіster kerek. Memleket tarapynan, mınıstrlіk tarapynan, federatsııa tarapynan, Ulttyq olımpıadalyq komıtetі tarapynan tıіstі sharalar qabyldanýy kerek. Olımpıada oıyndaryna deıіn balýandarymyz oqý-jattyǵý jıyndaryn óte joǵary deńgeıde ótkіzdі. Memleket tarapynan barlyq tıіstі qarajat ýaqytyly bólіndі. Bіraq, keıbіr balýandarymyz Parıjde jaqsy óner kórsete alǵan joq. Endі, múmkіn, balýandarymyzdyń psıhologııalyq jaǵyn, múmkіn jas shamasy jaǵyn qarastyrýymyz kerek shyǵar. Qazіrgі balýandarymyzdyń jas shamasy da bіrazǵa kelіp qalǵan. Jalpy, kúres túrlerіnen kelesі Olımpıadaǵa іrіkteýdі múlde ózgeshe qabyldaý kerek», – dedі Dáýlet Turlyhanov.