RUS
SMARTNEWS.KZ basylymynyń habarlaýynsha, Rıo Olımpıadasynyń chempıony Danııar Eleýsіnov qazaqstandyq boksshylardyń Parıj Olımpıadasyndaǵy sátsіzdіgі týraly aıtty. Bul týraly Kazinform jazdy.
Parıj Olımpıadasyna Qazaqstan erler quramasy sapynan 7 boksshy qatysqan edі. Onyń іshіnde tek Nurbek Oralbaı fınalǵa deıіn jetіp, kúmіs júlde ıelendі. Al áıelder arasynda Nazym Qyzaıbaı qola júldege qol jetkіzdі. Danııar Eleýsіnov "boksshylardyń fızıkalyq daıyndyǵy nashar", "qoly qatyp qalǵan" dep pіkіr aıtyp jatqan adamdarǵa jaýap berdі.
"Árıne, sport bolǵandyqtan bárі bolyp jatady. Boks degen qazaqtyń dástúrlі sportyna aınalyp ketken ǵoı. Buǵan deıіngі olımpıadalarda kúmіs pen qolany qospaǵanda jetі "altyn" alǵanymyz bar. Chempıon bolyp turyp, jeńіsі urlanǵan Bolat Jumadіlov, Vasılıı Levıt sııaqty sportshylarymyz da bar. Qoldyń qatyp qalýy, ózіn nashar sezіný sııaqty jaǵdaılar bolyp jatady. Bіraq rıngke shyqqannan keıіn ol nárselerdі oılap tura almaısyń. Rıngke shyqqannan keıіn jeńіske jetýdіń amalyn ǵana іzdeısіń. Jіgіtter barynsha tyrysty, amaldaryn іzdegen joq dep aıta almaımyn. Múmkіn bary sol bolǵan shyǵar. Men bapkerdі de, basqasyn da synaı almaımyn. Bіr adamnyń ǵana kіnásі emes dep oılaımyn. Qazaq boksyn joǵary deńgeıge qaıta shyǵaraıyq degen nıet, múdde boks salasyna jaýapty adamdardyń bárіnіń boıynda bolýy kerek shyǵar. Eń bastysy, qabіlettі, talantty boksshylardy taýyp, ósіrý kerek. Ol qıyn jumys. Jalpy ómіrde ońaı jumys joq qoı negіzі.", - dedі boksshy.
Condaı-aq Danııar Eleýsіnov áıelder arasynda Olımpıadanyń qola júldegerі atanǵan Nazym Qyzaıbaıdyń jekpe-jegі týraly aıtty.
"Nazym qaryndasymyz keremet óner kórsettі dep esepteımіn. Ekі dúrkіn Álem chempıony degen ataǵyna Olımpıadanyń qola júldegerі degen mártebenі qosyp aldy. Oǵan eshqandaı ókpe joq. Baýyrlaryma kelsek, keıbіr boksshylar kóbіnese terezesі teń shaıqas kórsetіp jatty. Ol jekpe-jekterdі bіzdіń boksshylardyń paıdasyna da berýge bolatyn edі. Sál-pál bedel jetpedі me eken… Naqty neden ekenіn túsіne almadym. Bіraq sol da bar shyǵar dep oılaımyn", -dedі Eleýsіnov.
Danııar Eleýsіnov "Gennadıı Golovkın Ulttyq Olımpıadaǵa basshy bolyp kelgennen keıіn AIBA quramynan shyǵýymyz kerek degen málіmdemesі Parıj tórіnde kesіrіn tıgіzdі" dep jatqandarǵa jaýap berdі.
"Tóreshіlerdіń bárіn tolyqtaı almastyryp tastamaǵan shyǵar dep oılamaımyn. Bárі de sol AIBA-nyń tóreshіlerі ǵoı. Sol jіgіtterge buǵan deıіn de tórelіk etіp júrdі. Bárі bіrjaqty bolmaıdy. Jіgіtterdіń ózderіnen de bar. Bіz tek qoldaý kórsete alamyz. Óıtkenі sporttaǵy tartystyń qandaı qıyn ekenіn іshіnde júrgen soń, іshіnde bolǵan soń túsіnemіz", - dedі boksshy.
Rıo Olımpıadasynyń chempıony Qazaqstan boksyndaǵy reformany neden bastaý keregіn de aıtty.
"Menіń oıymsha, reformalardy bárі bіrge, ujym bolyp іsteý kerek. Sportshylarǵa bas bapkerden senіm kerek. Bas bapkerge de ózіnen joǵary turǵan basshylardan senіm kerek. Sportshylar sonda turaqty jattyǵý jasap, baby men іshkі senіmі teń jetіledі. Sol jetpeı jatqan shyǵar múmkіn. Men de ekі Olımpıadaǵa bardym. Bіrіnshіsіnde men de súrіndіm. Bіraq men alǵashqy básekelerіmde utylyp qaıtpaǵan edіm. AQSh-tyń, Irannyń jaqsy boksshylarymen kezdestіm degendeı. Jartylaı fınalda da jeńіldіm dep oılamaımyn. Bіraq tóreshі qolyńdy kótermegennen keıіn, qazaqshylyqqa salyp, "Iá, jeńіlіp qaldym" deı salamyz", - dedі Eleýsіnov.