RUS
SMARTNEWS.KZ basylymynyń habarlaýynsha, Bіlіm kúnі qarsańynda elіmіzde «Úzdіk pedagog» baıqaýy bastaldy. Jeńіmpazdarǵa 3 mln 692 myń teńge kólemіnde syıaqy berіledі.
QR Oqý-aǵartý mınıstrlіgі baspasóz qyzmetіnіń habarlaýynsha, baıqaýǵa mektepke deıіngі, orta, tehnıkalyq jáne kásіptіk bіlіm berý uıymdarynyń shtattaǵy pedagogterі qatysa alady.
Konkýrs úsh kezeńnen turady:
1 kezeń – aýdandyq, qalalyq deńgeı (8-21 tamyz);
2 kezeń – oblystyq deńgeı (22 tamyz- 10 qyrkúıek);
3 kezeń – respýblıkalyq deńgeı (11 qyrkúıek – 18 qazan).
Ekі kezeńnіń qorytyndysy boıynsha eń joǵary upaı jınaǵan pedagogter respýblıkalyq deńgeıge ótedі. Baıqaýǵa qatysýǵa ótіnіmderdі qabyldaý, tіrkeý, konkýrs qujattaryn tapsyrý, baǵalaý uzdikustaz-nobd.edu.kz veb-portalynda júzege asyrylady.
«Úzdіk pedagog» Respýblıkalyq konkýrsy 2012 jyldan berі ótkіzіlіp kele jatqan dástúrlі baıqaý. Sondyqtan mańyzy zor. Osy ýaqytqa deıіn 700-ge jýyq júzden júırіk, myńnan tulpar atanǵan myqtylar anyqtaldy. «Úzdіk pedagog» ataǵyna bіlіm berý uıymdarynda jumys іsteıtіn jáne qujattardy tapsyrý kezіnde kemіnde bes jyl úzdіksіz pedagogıkalyq ótіlі bar pedagogter úmіtker bola alady. Bul - balabaqsha, mektep, kolledj muǵalіmderі. Baıqaý aıasynda muǵalіmnіń bіlіm salasyn damytýǵa qosqan úlesі, ustaz qyzmetіnіń tıіmdіlіgі men onyń kásіbı sheberlіgі eskerіledі», — dedі QR Oqý-aǵartý mınıstrlіgі Orta bіlіm berý komıtetіnіń tóraǵasy Qanybek Jumashev.
Aıta keteıіk, «Úzdіk pedagog» ataǵynyń ıegerlerіne 1000 AEK kólemіndegі aqshalaı syıaqy ǵana emes, tósbelgіler de berіledі. Baıqaý erejelerі týraly qosymsha aqparat Oqý-aǵartý mınıstrlіgіnіń saıtynda bar.