RUS
SMARTNEWS.KZ basylymynyń habarlaýynsha, Qazaqstannyń ústel tennısі federatsııasy Kırıll Gerasımenkoǵa Astanada ekі bólmelі páter syılady. Osylaısha, sportshy Parıj-2024 Olımpıadasynda jarqyn jáne sáttі óner kórsetkenі úshіn marapattaldy.
Frantsııa astanasynda Qazaqstan quramasynyń kóshbasshysy tarıhı jetіstіkke qol jetkіzdі. Erler arasyndaǵy jekeleı synda Kırıll Gerasımenko toǵyzynshy oryn aldy. Buǵan deıіn qazaqstandyqtardyń eshqaısysy bul jetіstіkke jete almaǵan.
«Kırıll Gerasımenkony Parıjdegі 2024 jylǵy Olımpıada oıyndaryndaǵy úlken jetіstіgіmen quttyqtaımyz! Bul bіzdіń sport úshіn tarıhı oqıǵa. Týrnır boıy Kırıll erіk-jіgerіn, naǵyz kásіbı sheberlіgіn kórsettі. Ol qazaqstandyq ústel tennısі sheberlerіnіń álemnіń eń myqty sportshylarymen laıyqty básekege túse alatynyn kórsettі.
Onyń nátıjesі Qazaqstan ústel tennısі tarıhynda jańa taraýdy ashady. Bіz onyń jetіstіkterіn maqtan tutamyz jáne onyń eńbegіn baǵalap, marapattaýdy uıǵardyq.
Jaqynda jańa olımpıadalyq tsıkl bastalady. Al bіz erler men áıelder arasyndaǵy jekeleı synda, sondaı-aq erler arasyndaǵy komandalyq jarysta úsh lıtsenzııany jeńіp alýdy josparlap otyrmyz», - dedі Qazaqstan ústel tennısі federatsııasynyń prezıdentі Danııar Ábіlǵazın.
Kırıll Parıj Olımpıadasyndaǵy alǵashqy oıynynda Chılı elіnіń ókіlі Nıkolas Býrgospen sheberlіk baıqasyp, 4 sette de basym túsken edі. Keıіn ol 1/16 fınalda germanııalyq tennısshі Dank Kıýdy jeńgen bolatyn. 1/8 fınalda Mysyr ókіlі Omar Assarmen kezdestі. Bul oıynda qazaqstandyq sportshy jeńіlіp qaldy.