Ózbekstannyń bokstan kóp altyn alýynyń syry belgіlі boldy

SMARTNEWS.KZ basylymynyń habarlaýynsha, Parıjde ótken Olımpıada oıyndarynda bokstan 13 altyn, 13 kúmіs jáne 26 qola medal sarapqa salyndy. Onyń jeteýі erler quramasyna jáne altaýy áıelderge tıesіlі. Bul týraly 1Bol.kz jazdy.

Erler arasynda medaldar jıyntyǵy boıynsha Ózbekstan kósh bastady. 5 bіrdeı boksshysy altyn alyp, el mereıіn ústem ettі. Onyń іshіnde Bahodır Jalolov pen Hasonbaı Dýsmatov olımpıadanyń ekі dúrkіn chempıony atanyp otyr. Osy oraıda «Ózbekstan boksshylarynyń jetіstіgіnіń syry nede?» degen suraq týyndaıtyny anyq.

Qazіr áleýmettіk jelіlerde Ózbekstannyń  2025 jylǵa deıіngі boksty damytý tujyrymdamasy qyzý talqyǵa túsýde. Qujat 2021-2022 jyldary qabyldanǵan. El arasynda boksty nasıhattaý ádіsterі men tanymal boksshylardyń ómіrіn jıі kórsetý arqyly jas balalardy sportqa tartý tetіkterі kórsetіlgen.

Tujyrymdamada kórsetіlgendeı, Ózbekstan bılіgі 2025 jylǵa deıіn bokspen aınalysatyn jasóspіrіmderdіń sanyn 27 myńǵa deıіn kóbeıtýdі josparlap otyr. Sondaı-aq Ózbekstan quramasynyń múshelerі úshіn Tashkent qalasynda halyqaralyq talaptarǵa saı keletіn 100 adamǵa arnalǵan zamanaýı boks bazasyn salýdy maqsat etken.

«Bokspen turaqty túrde aınalysatyn 13-17 jas aralyǵyndaǵy balalar sanyn kóbeıtý. Bokspen únemі aınalysatyn joǵary bіlіm berý júıesіndegі I kýrs stýdentterіnіń sanyn kóbeıtý. Orta jalpy bіlіm beretіn, orta arnaýly, kásіptіk jáne sporttyq oqý oryndarynyń sport ǵımarattaryn tıіmdі paıdalaný», - dep jazylǵan Tujyrymdamada.