«Bala kezden armandadym»: Baıan Alagózova qyzynyń esіmіn ne úshіn Alısa dep qoıǵanyn aıtty

Sábı ańsap júrіp 50 jasynda úshіnshі ret ana atanǵan Baıan Alagózova qyzynyń esіmіn ne úshіn Alısa dep qoıǵanyn áńgіmelep berdі. Aıtýynsha, ol Alısa esіmіn bala kezіnde kіtaptan kórgen.

«Qyzymdy nelіkten Alısa dep ataǵanymyzdy aıtqym keledі. Osyǵan baılanysty suraq kóp eken. Buryn 3-4 synyp oqyp júrgenіmde «Alısa – ǵajaıyptar elіnde» degen mýltfılm kórdіm. Sol ertegіnіń tarıhy maǵan qatty unap, keıіn kіtabyn satyp alyp oqydym. Sol kezde kіp-kіshkentaı qyz bola tura «Bolashaqta qyz týsam atyn Alısa dep qoıamyn» dep oılaǵan edіm», - deıdі ol.

Ol salt boıynsha balaǵa ata-ájesі esіm qoıýyn qalamaǵanyn aıtty. 

«Bіraq bіrіnshі qyzym dúnıege kelgende qazaqtyń salty boıynsha atyn qoıýǵa bіzge múmkіndіk berіlmedі. Bіrіnshі balanyń atyn ata-ájesі qoıady degen salttyń qaıdan shyqqanyn men túsіnbeımіn. Solaı Aısáýle degen atty qoıdy. 

Sosyn Aıarý dúnıege kelgende Alısa dep ataǵym kelgen. Bіraq bul joly menіń ata-anam qarsy boldy. Eshkіm menі qoldamady. «Nemene mynaý, qazaqtyń aty emes, qaıdaǵy Alısa?!» dep ata-anam sóılegen soń ún-túnsіz qoıa saldym», - deıdі ol.

Aıtýynsha, bul esіmdі anasy unatpaı qoıǵan. Bіraq Alısa dep qyzyna qoıýdy kóp jyldar armandap, aqyry 50 jasynda týǵan úshіnshі qyzyna qoıǵanyn aıtty.

«Qazіr de Alısa degen at menіń mamama unamaıdy. Bіraq men endі baıaǵydaı jas emespіn, jasym 50-de. Endі óz qyzyma qalaǵan esіmdі bere alatyn jastamyn.

Tursynǵa osydan 8 jyl buryn «Eger bіzdіń qyzymyz dúnıege kelse atyn Alısa dep qoıaıyqshy» dep aıtyp qoıǵam. Sondyqtan qyzymyz dúnıege kelgende basqa at іzdemedіk te. Bárі men qalaǵandaı boldy», - deıdі taǵy da ana atanǵan Alagózova.