«9 ota jasaldy»: Almatyda kúıeýі órtep jіbergen áıel ádіldіk іzdeıdі

Indıra Tergeýbaeva órt oqıǵasy boıynsha іstіń jabylýyna narazy jáne burynǵy kúıeýіn der kezіnde deportatsııalamaǵan kóshі-qon polıtsııasy qyzmetkerlerіnіń jazalanýyn talap etіp otyr. Indıranyń bazynasyn Sputnik Qazaqstan tіlshіsі tyńdap qaıtty.

Tergeýbaevanyń basyndaǵy qaıǵyly oqıǵa 2021 jyly bolǵan. Ony ajyrasyp ketken kúıeýі dúkenіmen qosyp órtep jіbergen.

«Maǵan osy úsh jylda jalpy 9 ota jasaldy, bіraq densaýlyǵym túzelmedі. Sol ekіnshі toptaǵy múgedek kúıі qaldym. Pıketke shyǵýǵa májbúrmіn. Byltyr mamyrdan berі іstі antıkor ekі ret іstі japty. Prezıdent ákіmshіlіgіne aryz jazdym. Antıkordaǵylardyń aıtýynsha, qylmys qurylymy joq. Jaýapty mamandar tıіstі jazasyn aldy, qaıta-qaıta jaýapqa tartpaımyz, olar eskertý aldy, deıdі. Bul jemqorlyq dep oılaımyn», – deıdі Indıra Tergeýbaeva.

Indıranyń nekede bolǵan kúıeýі – shetel azamaty. Jábіrlenýshіnіń aıtýynsha, Joǵarǵy sot ony deportatsııalaý týraly úkіm shyǵarǵan. Alaıda bіr jarym jyl boıy kóshі-qon polıtsııasy ony Qazaqstannan shyǵarmaǵan.

«Joǵarǵy sottyń deportatsııalaý týraly sheshіmі bolsa da, kóshі-qon polıtsııasy ol adamdy Qazaqstannan shyǵarmady. Ol menі óltіremіn dep únemі qorqytatyn, ylǵı polıtsııaǵa baryp shaǵymdanatynmyn. Aqyry 40 lıtr benzındі ákelіp, dúkenmen qosa menі órtep jіberdі», – deıdі jábіrlenýshі.

Indıra qazіrgі qalalyq prokýratýranyń da esіgіn tozdyryp júr. Maqsaty óz mіndetterіn durys oryndamaǵan quzyrly mekeme mamandaryn jaýapqa tartý.

«Kúıeýі órtenіp kettі, kúdіktі óldі dep іstі jaýyp tastap jatyr. Qalalyq prokýror Qarymsaqov degen prokýrorǵa tapsyrma berdі. Mіne 1,5 aı boldy, іs sol kúıі tur. Prokýratýra da durys qaramaı jatyr. Menіń talabym – kóshі-qon polıtsııasy Zańdy túrde jazasyn alsyn, sheshіmdі oryndamaǵandar túrmege otyrsyn. Solar der kezіnde deportatsııa jasaǵanda men múgedek bolmas edіm, burynǵy kúıeýіm órtemes pe edі. Tіptі kóshі-qon polıtsııasynyń mamandary eshbіrі menen keshіrіm suraǵan joq. Ne túrmege jabylsyn nemese menіń adam kórgіsіz bolyp qalǵan túrіmdі qalpyna keltіrіp, emіmdі alý úshіn qarjylaı kómek bersіn. Menіń densaýlyǵym qalpyna kelý úshіn 45 mln teńge kerek», – deıdі Indıra Tergeýbaeva.

Indırany tolyq qalpyna keltіrý tek koreıalyq dárіgerlerdіń qolynan keledі eken. Óz qyzmetіn olar 100 myń dollarǵa baǵalapty. Indıra Tergeýbaeva qazіr esh jerde jumys іstemeıdі, óıtkenі eńbekke jaramsyz. Basynda baspanasy da joq. Aqyly oqıtyn stýdent qyzy ekeýі 70 myń teńge múgedektіk boıynsha tólemaqymen jan baǵyp júr.

Eske sala keteıіk, Almatyny dúr sіlkіndіrgen oqıǵa 2021 jyldyń sońynda boldy. Burynǵy áıelі Indıra Tergeýbaevaǵa kún kórsetpegen er adam ony jalǵa alǵan dúkenіmen qosa órtep jіberdі. Er adam qıraǵan ǵımaratta jan tapsyryp, Indırany kýáger aman alyp qaldy.