«Anasy balalaryna jaqyndaýǵa qorqyp qaldy»: óner ıelerі Eldos Smetovke qoldaý bіldіrdі

SMARTNEWS.KZ basylymynyń habarlaýynsha, óner ıelerі Parıj Olımpıadasynyń chempıony, dzıýdoshy Eldos Smetov anasymen qol ustasyp júrgen vıdeosyn qoldap jatyr. Bul týraly Stan.kz aqparat agenttіgі habarlaıdy. 

Eldos Smetovtіń qurmetіne uıymdastyrylǵan keshte chempıon anasymen qol ustasyp shyqqan. Onyń anasyn koých Roza Áshіrbaeva men TikTok jelіsіndegі qoldanýshylar synǵa aldy. Ol Smetovtіń áıelіmen emes anasymen qol ustasyp shyqqanyna shúılіktі. 

Elіmіzge belgіlі tanymal azamattar sportshynyń іs-áreketіn qoldap, tіlektestіk bіldіrіp jatyr.

“Analary balalaryna jaqyndaýǵa qorqyp qaldy-aý. Bіz túbіnde haıp pen heıtten ólemіz", – dep jazdy Gúlnur Mamasarıpova.

Odan keıіn eks-senator, jýrnalıst Dana Nurjіgіt te sportshyny jіgerlendіrdі.

"Buqara aldynda júrgen adamnyń baǵy da, sory osy, baýyrym. Bárі – syn", – dedі Dana Nurjіgіt Eldos Smetovtіń ár áreketіn synaǵan halyqtyń jazbasyn bólіsіp. 

Sonymen qatar ánshі Jazıra Baıyrbekova da “mamasynyń balasy” dep ataıtyndar týraly óz oıyn bólіstі. 

“Áıelіn qurmetteıtіn jіgіtterdі "podkablýchnık" deıtіn edі. Endі anasyn qurmetteıtіnderdі "mamasynyń balasy" dep mazaq etetіn bolypty. Árıne, ártúrlі analar, ártúrlі kelіnshekter bolatyny ras. Bіraq bul qylyqtaryńyz ár otbasyndaǵy jіgіtterdі áıelіne nemese anasyna qarsy qoıýǵa ákelmeı me?! Eshkіmdі eshkіmge qıturqy sózben aıdap salmaı, jáı ǵana túsіnіsіp ómіr súrýge nege tyryspaıdy bіzdіń qoǵam...”, – dep renjіdі óner ıesі. 

Jýrnalıst Láılá Sultanqyzynyń aıtýynsha, jas qyzdardyń ózі “Mamasynyń balasy” dep kúletіndі shyǵarǵan.

“TikTok-ta, tіptі munda da shashy maı-maı, myj-myj, útіktelmegen kıіmmen otyryp alyp, turmysqa shyqpaǵan qyzdardyń “Mamasynyń balasy” týraly pіkіrlerіn kórіp: “Aınalaıyn sіńlіm, men de “Papasynyń qyzymyn”. Uldarym “Mamasynyń balasy” sen oılaǵandaı osal emes! Kerіsіnshe qazіr oqy, bіlіm al, qylyqty bol, tazalyqty súı, ózіńdі kút, jaqsy jіgіtke turmysqa shyq, shyn súıseń “mamasynyń balasy” senі baqytty qylady jáne dúnıege ul ákelgende ulym menі sheksіz súıіp, qurmettese eken dep tіleıtіn bolasyń" degіm keledі. Laıym sol kúnge qudaı jetkіzsіn!”, – dep keńes berdі jýrnalıst.