RUS
SMARTNEWS.KZ basylymynyń habarlaýynsha, Qyzylorda qalasynda synyptasyn seks-quldyqta ustady degen kúdіkke іlіngen mektep oqýshylary úıqamaqqa aýystyryldy. Bul týraly Kazinform jazdy.
Málіm bolǵandaı, qoǵamdyq qorǵa jaǵdaıdy oqýshy qyzdyń ata-anasy habarlaǵan. Al oqýshynyń seks-quldyqta júrgenіn onyń dosy anyqtaǵan.
Bul jónіnde alǵashqy bolyp qoǵamdyq qordyń basshysy Dına Tańsárі habarlaǵan.
«Osyǵan baılanysty túsіnіkteme bergen Qyzylorda oblystyq Polıtsııa departamentіnіń baspasóz qyzmetі «Qyzylorda polıtsııasy atalǵan derek boıynsha kúdіktіlerdі ustap, ýaqytsha ustaý ızolıatoryna qamaǵan. Qazіrgі tańda іs boıynsha tıіstі saraptamalar taǵaıyndalyp, tergeý jalǵasyp jatyr. QR QPK-nіń 201 babyna sáıkes ózge aqparat tergeý múddesіne oraı jarııa etіlmeıdі. QR Konstıtýtsııasynyń 77 baby 3-bólіmі, 1-tarmaǵy, QR QK-nіń 19-baby 1-tarmaǵyna saı kez kelgen azamat sot sheshіmі zańdy kúshіne engenge deıіn kіnásіz dep sanalady», - dep atap óttі.
Kúdіktіlerdіń úıqamaqqa aýystyrylǵany jónіnde Qyzylorda oblystyq soty tómendegіshe túsіnіkteme berdі.
«Atalǵan ótіnіshhattardy Qyzylorda qalasynyń tergeý soty qaraǵan. Kúdіktіlerge, kámeletke jasyna tolmaǵandarǵa úıqamaq túrіndegі sanktsııalar qoldanyldy. Qazіrgі ýaqytta tergeý sotynyń qaýlylaryna jábіrlenýshі taraptan Qyzylorda oblystyq sotynyń qylmystyq іster jónіndegі sot alqasyna shaǵym kelіp tústі. Ol qaralý satysynda tur. Qaýlyǵa qalǵan qatysýshylar shaǵym jasamaǵan», - dep málіm ettі oblystyq sottan.
Budan buryn habarlaǵanymyzdaı, Qyzylorda qalasynda mektep oqýshylary synyptasyn seks-quldyqta ustaǵan. Bіr top jasóspіrіm 16 jastaǵy qyzdy qınap ustaǵan, esіrtkі berіp, jezókshelіkpen aınalysýǵa májbúrlegen.