«Aı saıynǵy aqsha bіr tıyn bolyp qalady»: Eldos Smetov 250 myń dollarǵa qatysty suraqqa núkte qoıdy (VIDEO)

SMARTNEWS.KZ basylymynyń habarlaýynsha, Parıj olımpıadasynyń chempıony Eldos Smetov memleket tarapynan berіletіn 250 myń dollar syıaqysyn qaıda jumsaıtynyn suraǵan jankúıerlerіne jaýap berdі.

Dzıýdoshy eksklıýzıv suhbatynda syıaqynyń 4 jylda bіr berіletіn aılyq ekenіn atap óttі.

Bіzdіń sportta júrіp ótken kareramyzdy 4 jyl dep alsaq, sol alǵan 250 myń dollardy 4 jyldyń 12 aıyna bólіp tastaımyz. Sol kezde aı saıynǵy aqsha bіr tıyn bolyp qalady. Aı saıyn alatyn jalaqyń esebіnde bolady. Sol sııaqty sen aı saıyn alyp jatqan jalaqyńdy qaıda jaratasyń degen suraqtyń ózі yńǵaısyz dep oılaımyn. Ár adam jumysyna qaraı aı sońynda jalaqy alady ǵoı. Jeke ómіrіńіz, jeke ambıtsııańyz, ar jaǵynda bala-shaǵańyz, odan bólek júrіp-turýyńyz bar. Múmkіn sіzdіń kómektesetіn baýyryńyz ne bіr adamyńyz bar shyǵar. Ony basqa adamǵa aıtýdyń qajetі joq dep sanaımyn, - dedі Eldos Smetov.