«17 jasymda mıllıon taptym»: Tóreǵalı Tóreálіnіń qaryndasy baı bolýdyń syryn ashty

SMARTNEWS.KZ basylymynyń habarlaýynsha, jelі juldyzy “Aǵasynyń arqasynda kóterіldі” degen qaýesetke núkte qoıdy. 

“Iá, bárі menі “baıdyń qyzy, kúıeýі asyraıdy” dep oılaıdy. Búgіn núktesіn qoıǵym keledі. “Ákenіń maly balaǵa mal bolmaıdy” – menіń prıntsıpym. Otbasymyzda aǵam da, ápkem de, men de óz jolymyzdy ózіmіz taptyq. Ata-anamyz baǵyt-baǵdar berіp, qoldap otyrdy, eń jaqsy tárbıenі berdі. Bіraq olardyń tabysyna qarap otyrmadyq. Búgіnde jeke kásіbіm, jyljymaıtyn múlіkterіm, tabys ákeletіn blogym bar. Barlyǵyna áýelі Alla, keıіn ózіmnіń kúshіmmen jettіm. Árıne, basynda qorqynysh boldy. Bіraq ózіmmen jumys іsteý arqyly ony da sheshtіm. Úıіmnіń kenjesі bolsam da shet elge shyǵýǵa, kásіbіmdі bastaýǵa, kýrstar alýǵa, damýǵa eshkіmnen aqsha almaǵanmyn”, – dep jazdy bloger arý. 

Sonymen qatar jelі juldyzy alǵashqy mıllıon tabysyn 17 jasynda tapqanyn aıtyp berdі. 

“Dına Tóreálі baı otbasynan shyqqan” degen sózі kóp estіdіm. Kúıeýge shyqqannan keıіn kúıeýі asyraıdy eken degen áńgіme tarady. Jasyrmaımyn, men týǵanda otbasymnyń jaǵdaıy jaqsy boldy. Qanattyǵa qaqtyrmaı ósіrgen ata-anama raqmet. Bіraq menіń eshkіm 16 jasymnan bastap jumys іstegenіmdі bіlmeıdі. Osy kúnge deıіn bіrneshe ret kásіp bastaǵanymdy bіlmeıdі. Alǵashqy mıllıon teńgemdі jelіlіk bıznesten tapqanmyn. Ol kezde jasym 17-de bolatyn. “Aǵam tanymal ánshі”, “Ata-anam taýyp beredі” dep otyrmadym. Shetelge saıahat, brend zattardy ózіm alýǵa umtyldym. Ápkem ekeýmіz jeke paraqshany kesh ashtyq. Óıtkenі ruqsat bolmady. Endі sol arqyly blog júrgіzіp, aqsha taptym”, – dedі Dına Tóreálі.