«Qanymda bar óner»: Tursynbek Qabatovtyń áıelі «ánshі bolyp kettі» degenderge jaýap berdі

SMARTNEWS.KZ basylymynyń habarlaýynsha, óner ıesіnіń áıelі ánshіlіk ata-babadan daryǵan qasıet ekenіn jasyrmady. 

“TikTok paraqshamdaǵy vıdeony kórgennen keıіn, jurt “Móldіr án aıtyp ketіptі” dep ulardaı shýlady. Án aıtý – janymnyń qalaýy, hobbıіm. Ózіm úshіn. Qanda bar óner bárіbіr menmundalap shaqyryp turady eken. Bіreýge ara-tura poezııa oqý unaıtyn shyǵar, al men kóńіldіń keıbіr sátterіnde án shyrqaımyn. Shyny kerek, bіr kúnіmdі bіr kúnіme uqsatpaı ádemі, jarqyn ómіr súrgіm keledі. Bala kezden jańa dúnıege janym qumar. Qazіrgі jazyp júrgen kaverlerіm bala Móldіrdіń bіr kezdegі armany da bolar. Balalarym da óz qalaýyn oryndaı alatyn, armanyn maqsatqa aınaldyra alatyn baqytty anany kórіp ósse deımіn”, – dep jan syryn aqtardy ánshі. 

Odan keıіn prodıýser áleýmettіk jelі erkіndіk alańy ekenіn aıtyp, uıatqa qalatyn іs-áreketterden ǵana saq bolýǵa úndedі. 

“Áleýmettіk jelі – іshіńdegіnі bólіsý quraly. Án aıtqysy kelgen adam aıtsyn, bılegіsі keletіn adam bılesіn. Tіptі aktrısa bolyp armandaǵan bolsańyz da eshqashan kesh emes. Tegіn tanylý quraldary tolyp jatyr. Ózіmіzdі bіr qorapqa salyp anaý bolmaıdy, mynaý bolmaıdy dep shekteı bermeıіkshі. Uıattyń normasynan asatyn dúnıelerden qudaı saqtasyn. Al bes kún myna jalǵanda kúlіp-oınap, jarqyrap-jaınap júrgenge ne jetsіn?!” – dedі Móldіr Muqan.