RUS
SMARTNEWS.KZ basylymynyń habarlaýynsha, sporttyq gımnastıkadan Parıj Olımpıadasynda kúmіs medal ıelengen qazaqstandyq Narıman Qurbanovtyń júldegerler arasynda «eleýsіz» qalǵany áleýmettіk jelіde qyzý talqyǵa túsken bolatyn.
Jankúıerlerdіń pіkіrіnshe, júlde ala almaǵan sportshylardyń ózіne kólіk mіngіzіp, aqshalaı syılyq berіp jatqanda, Qazaqstan tarıhynda gımnastıkadan alǵashqy medaldy ıelengen Kýrbanov syı-qurmetsіz qalǵan. Dese de, bul týraly sportshynyń pіkіrі bólek.
«Iá, mashına da, úı de berіlmedі degen jazbalardy kóp oqımyn. Bіrіnshі kezekte osyndaı qoldaý kórsetіp jatqan jankúıerlerge alǵysym sheksіz. Bіraq, men ýaqyty kelgende ózіme tıіstіnіń bárіn alamyn. Eger odan da artyǵy kerek bolsa, men oǵan aqsha tabamyn. Tek mynany ǵana aıtaıyn: qazіr menіń ómіrіmde bolyp jatqan oqıǵalar menі shynymen baqytty etedі», - dep jaýap berdі Narıman jankúıerlerdіń qoıǵan saýalyna.
Esterіńіzge sala keteıіk, Narıman Qurbanov Parıj oıyndarynda sporttyq gımnastıkadan óner kórsetіp, el qorjynyna tuńǵysh ret júlde syılaǵan edі. Sportshy gımnastıkalyq atta sáttі óner kórsetіp, fınalda 15,433 upaı jınady. Osylaısha ol kúmіs medal jeńіp aldy. Buǵan deıіn Qurbanov bul tarıhı sáttі 18 jasynan bastap armandaǵanyn aıtqan bolatyn.