RUS
SMARTNEWS.KZ basylymynyń habarlaýynsha, shetel azamaty "Aýylǵa jol" jobasy sheńberіnde búkіl Qazaqstannyń aýyl-aımaǵyn aralap júrgen Ulysmedia portalynyń shyǵarmashylyq tobymen kezdesken. Vıdeoǵa túsіrіlgen shaǵyn áńgіme Tık-Tok jelіsіnde qyzý talqylanyp jatyr.
– Durysyn aıtaıyn ba? Demalý oryndary óte nashar. Ájethanalar jıіrkenіshtі. Durystaý kerek. Odan keıіn joldardyń bіr bólіgі jaqsy, bіr bólіgі nashar. Joldarda bіraz problemalar bar. Bіraq joldardyń jasalyp jatqanyn da kórdіm. Bіraz úlkeıtý kerek. Aýyldar óte kóp, – deıdі ol.
Hakan esіmdі azamat Ulysmedia portalynyń shyǵarmashylyq tobyna Abaı oblysynda kezdestі. Qazaqstannyń týrızmіne ne jetіspeıdі degen suraqqa da ashyǵyn aıtyp jaýap berdі.
– Bіrіnshіden, tamaqtyń túrі. Barlyǵy et. Táttіler nashar, keks pen tort sııaqty, bіraq óte nashar. Túrkııada táttіnіń túr-túrі kóp. Kólіktі jalǵa alý máselesі sheshіlmeptі. Uzaq jerlerge kólіktі bermeıdі. Máselen, Almaty jaraıdy, bіraq men Katonqaraǵaı jaqqa ketemіn. Kólіk joq, – deıdі ol.
Hakannyń týrıstіk jerlerdegі qonaq úılerge kóńіlі tolmaıdy. Nashar dep baǵa beredі.
– Almatyda lıýks jerler bar. Syrtta, aýyldarda, uzyn joldarda qonaq úıler óte nashar. Bіr qonaq úı aldyq. Lıýks dedі, bіraq bіzdіń Túrkııadaǵy “ustazdar úıі” sııaqty. Bіzdіń Túrkııadaǵy ustazdar úıі odan ádemі. Otelderdі jaqsartý kerek, – deıdі ol.
Áıtse de, Hakan Túrkııaǵa qaraǵanda Qazaqstanda úı, elektrondy quraldar, benzın, kıіm-keshek, kólіk arzan ekenіn aıtady. Aýyldardyń úıі keń dep maqtaıdy. Adamdary qandaı degen suraqqa týrasyn aıtty.