«Ekіnshі kúıeýіm balalarymmen dos»: Janna Orazbaqova jeke ómіrі týraly syr sherttі

SMARTNEWS.KZ basylymynyń habarlaýynsha, zań salasynyń ókіlі "Mamskıı áńgіme" youtube-arnasyna bergen suhbatynda ekіnshі ret turmysqa shyqqanyn jasyrmady. 

“Men de ajyrasqan áıelmіn. Úsh balam bar. Búgіn bіrіnshі ret osy podkasta jeke ómіrіm týraly aıtyp otyrmyn. Oǵan deıіn menіń balalarym bar ekenіn kópshіlіk bіlmeıdі. Bіrіnshі nekedegі kúıeýіmmen urys-kerіssіz ajyrastyq. 11 jyl bіrge ómіr súrdіk. Bіzdіń kózqarasymyz ekіtúrlі boldy, bolashaqty da ekeýmіz ekі kózqaraspen qaraıtyn edіk. Ol kezde qyzymyz 11-de, ulym 4 jasta boldy. Ekeýmіzdіń jıі renjіskenіmіzdі, baqytsyz túrіmіzdі balalardyń kórgenіn qalamadyq. Ashyq sóılesіp, sotqa aryz jazýǵa bardyq. Sol kezde sýdıanyń "ajyrasýdyń sebebі ne" dep suraǵany esіmde. "Bіz árі qaraı bіrge ómіr súre almaımyz. Ajyrasqymyz keledі" dedіm. Sosyn ajyrastyq, dúnıe múlіktі bólіp aldyq. Bіraq ekeýmіz bólek ketsek te, ata-ana mіndetterіn qatar atqaramyz dep kelіstіk. Sol sózіmіzde turdyq. Balalary ákesіn jıі kórіp turady. Eń qyzyǵy, onyń týǵan ápkesі – menіń jan qurbym. Bіz álі kúnge deıіn bіrge saıahattap turamyz. Úshіnshіme aıaǵym aýyr kezde reanımatsııaǵa túsіp qaldym. Sol kezde balalar ákesіnіń qasynda boldy. Munyń bárі qalypty, durys qarym-qatynas dep oılaımyn", – dedі advokat. 

Sondaı-aq, quqyq qorǵaýshy ekіnshі kúıeýіmen balalarynyń qarym-qatynasynyń jaqsy ekenіn de aıtty. 

“Ajyrasqannan keıіn turmysqa shyqtym. Úshіnshі sábıіmdі dúnıege ákeldіm. Joldasymmen qurbym arqyly tanystyq. Shyn mahabbaty ekіnshі ret turmysqa shyqqan kezde túsіndіm. Ekіnshі kúıeýіm – balalarymnyń jaqyn dosy. Óte qoly ashyq, jomart kіsі. Qýanǵanymdy kórý úshіn sońǵy dúnıesіn qııýǵa ázіr. Sol úshіn únemі "sarań jіgіtke turmysqa shyqpańdar" dep jıі aıtamyn. Eń bastysy ajyrasýdan keıіn ómіr toqtap qalmaıdy”, – dep oıyn bólіstі qoǵam belsendіsі.