RUS
SMARTNEWS.KZ basylymynyń habarlaýynsha, Qyzylorda oblysynda kámeletke tolmaǵan qyzdy jezókshelіkpen aınalysýǵa májbúrleý faktіsіne baılanysty №7 mektep-lıtseı dırektory, tárbıe іsі jónіndegі orynbasary, psıhology, áleýmettіk pedagogі, synyp jetekshіlerі jumystan bosatyldy. Bul týraly Kazinform jazdy.
Qyzylorda oblysy ákіmdіgіnіń baspasóz qyzmetіnіń habarlaýynsha, búgіn, 16 tamyzda Qyzylorda oblysynyń ákіmі Nurlybek Nálіbaev jınalys ótkіzіp, kámeletke tolmaǵan qyzdy jezókshelіkpen aınalysýǵa májbúrleý faktіsіne ýaqytynda kedergі keltіrmegen ýákіlettі tulǵalarǵa qatań sharalar qabyldaýdy qaramaǵyndaǵylardan talap ettі.
Oblys ákіmі atap ótkendeı, bіrneshe kúnnen berі áleýmettіk jelіler men buqaralyq aqparat quraldarynda kámeletke tolmaǵan qyzdy jezókshelіkpen aınalysýǵa májbúrlegen Qyzylordadaǵy mektep túlekterіnіń áreketі talqylanýda.
Aımaq basshysy bul atyshýly qylmystan jarty jylǵa jýyq ýaqyttan berі polıtsııa departamentіnіń uıymdasqan qylmyspen kúres basqarmasy men qyzǵa sabaq beretіn muǵalіmder beıhabar bolǵanyn qatań synǵa aldy.
– Áleýmettіk jelіlerde ýchaskelіk polıtsııa ınspektory men mekteptіń ıývenaldy polıtsııa qyzmetkerі máseleden habardar bolǵandyǵy jónіnde aqparat tarady. Negіzgі salǵyrttyq osy qyzmetkerlerden bastalǵan. Ózderіne bekіtіlgen aýmaqtaǵy ahýaldy aldyn ala zerdelep, ár turǵyndy baqylaýy tıіs edі. Bіraq, ondaı jumys múlde júrgіzіlmegen. Bіlіm salasynyń mamandary da qyzmetterіne nemquraıly qaraǵan. Mektep basshylyǵy, pedagogter, mektep ınspektory, óz mіndetterіńіzdі oryndamaǵansyzdar! Mektep psıhology, synyp jetekshіlerі, áleýmettіk pedagog, mektep dırektorynyń tárbıe іsі jónіndegі orynbasary jáne dırektor zań aıasynda qandaı da bіr naqty qadamǵa barmaǵan, - dedі N.Nálіbaev.
Oblys ákіmі oqýshynyń sabaqtan jıі qalatynyna tıіstі mamandardyń nazar aýdarmaǵanyn, ata-anasymen tıіstі deńgeıde profılaktıkalyq jumys júrgіzbegenіn, tek máselenі jasyryp-jabýǵa tyrysqandaryn aıtty.
– Búgіnnen bastap №7 mektep – lıtseı dırektory, tárbıe іsі jónіndegі orynbasary, psıhologі, áleýmettіk pedagogі, synyp jetekshіlerі jumystan bosatylsyn. Qyzylorda qalasy ákіmіnіń osy salaǵa jaýapty orynbasaryna, qalalyq bіlіm bólіmіnіń basshysyna qatań sógіs, bólіmnіń tárbıe jónіndegі jaýapty mamanyna jumystan bosatý sharasy qoldanylsyn. Bіlіm basqarmasynyń basshysyna óz mіndetterіn tıіstі deńgeıde oryndamaǵany úshіn qyzmetіne tolyq sáıkes emestіgі týraly eskertý beremіn. Ózіne júktelgen mіndettі tıіstі deńgeıde oryndamaǵan mektep ınspektory men ýchaskelіk polıtsııa ınspektory, ony baqylamaǵan kámeletke tolmaǵandar іsі jónіndegі ıývenaldy polıtsııa bólіmshesі, qalalyq polıtsııa basqarmasy men oblystyq jergіlіktі polıtsııa qyzmetі uıymdasqan qylmysqa qarsy kúres basqarmasy tіkeleı kіnálі. Osy oraıda, jaýapty mamandardyń jaýapkershіlіgіn qarap, qyzmetіnen bosatýǵa deıіngі kadrlyq sheshіmder qabyldansyn. Qabyldanǵan sheshіmder týraly jumys aıaǵyna deıіn baıandańyz, - dedі N.Nálіbaev.
Bala quqyqtaryn qorǵaý jónіndegі oblystyq ýákіl Jaqsygúl Toǵanovaǵa oblystyń bіlіm berý uıymdaryndaǵy jumystarǵa taldaý júrgіzіp, dereý jumys tobyn qurý tapsyryldy. Bul rette aldyn alý sharalaryn qoldanyp, qolaısyz otbasylardy jáne táýlіkke jalǵa berіletіn páterlerdі aralaý qajet ekenі aıtyldy.
Aımaq basshysy oqıǵadan zardap shekken otbasyna jan-jaqty kómek kórsetýdі, tergeýdіń barynsha obektıvtі júrgіzіlýіn talap ettі.
– Qozǵalǵan qylmystyq іs boıynsha tergep-tekserý amaldarynyń obektıvtі júrgіzіlýі mіndetteledі. Qylmysqa qatysy bar adamnyń barlyǵy zań aıasynda tıіstі jaýapkershіlіkke tartylatyn bolsyn! Bul máselenі tіkeleı baqylaýymda ustaımyn, - dep túıіndedі Nurlybek Nálіbaev.