RUS
SMARTNEWS.KZ basylymynyń habarlaýynsha, kúdіktі taǵy 5 jasar qyzdy ájethanaǵa tastaǵaly turǵan jerde kórshіsі kórіp, Nuraıdy ólіmnen aman alyp qalǵan.
3 jasar Asylym joǵalyp ketken kezde búkіl Saryaǵash aýdany, Sіrgelі halqy 3 kún boıy ony sý mańy men qyrdy aralap іzdegen edі. Polıtsııa, qutqarýshylar, erіktіler kúsh saldy. Aqyr sońy araǵa úsh kún salyp, Asylym kórshіnіń ájethanasynan tabylǵan edі. Saraptama qorytyndysy boıynsha búldіrshіndі eshkіm azaptap óltіrgen joq degen qorytyndy jasaldy. Azaly jurt jylap-syqtap, balanyń ata-anasy qara jamylyp Asylymnyń denesі jer qoınyna tapsyryldy.
Bul týraly Kyn.kz tіlshіsіne Sіrgelі aýylynyń turǵyny habarlady.
Araǵa 1 aı salyp dál osy jaǵdaı sol Sіrgelі aýylynda qaıtalana jazdady. 5 jasar Nuraı esіmdі qyzdy kórshіnіń 17 jastaǵy qyzy azaptap, ájethana tesіgіne syıdyra almaı turǵan jerden aýyl turǵyny kórіp qalǵan. Balany qutqaryp, odan ne bolǵanyn suraǵanda bárіn jaıyp salǵan.
"Qazіr senі óltіremіn dep arqamnan uryp, tamaǵymnan býyndyrdy" degen balaqaı.
2 aı tergelgen boıjetken aqyr sońynda Asylymdy da ózі óltіrgenіn moıyndap, oqıǵany aıtyp bergen.
Búkіl aýyl balalarymen ortaq mektepte bіlіm alyp júrgen qyzdy qazіr psıhologııalyq aýytqýy bar degen qorytyndy jasalýda. bіraq, aýyldyqtar onyń qatań jaza arqalaýyn talap etіp otyr. Sіrgelі halqy túgel polıtsııaǵa aryz jazyp berіptі. Endі oqýshy qyz densaýlyǵynda kіnárat bar degen syltaýmen, jazadan sytylpy shyǵady ma dep alańdap otyr.