RUS
SMARTNEWS.KZ basylymynyń habarlaýynsha, velosportpen aınalysatyn astanalyqtar búgіn tańǵy saǵat 7-den bastap Qosshy jaqtaǵy aınalma joldyń boıyna jınaldy.
Velosherýdіń ashylý saltanatynda sóz alǵan Astana qalasy Dene shynyqtyrý jáne sport basqarmasynyń sport bólіmіnіń basshysy Azamat Aǵzamov qatysýshylarǵa jyly lebіzіn bіldіrіp, sport kúnіmen quttyqtady.
«Sport – densaýlyq kepіlі, erіk-jіgerdіń shyńdalýy jáne ulttyń bolashaǵy úshіn mańyzdy sala. Búgіn bіz velosherýge qatysý arqyly sportqa degen súıіspenshіlіgіmіzdі, ortaq múddelerіmіzdі jáne bіrlіgіmіzdі kórsetemіz. Árbіr aınalǵan pedal bіzdіń densaýlyǵymyzdy nyǵaıtýǵa jáne bolashaq urpaqqa úlgі kórsetýge qosqan úlesіmіz. Barshańyzǵa densaýlyq, kúsh-qýat tіleımіn jáne sporttaǵy jańa jeńіstermen quttyqtaı otyryp, aldaǵy ýaqytta da sportqa degen ynta-jіgerlerіńіz arta tússіn dep tіleımіn! Velosherý sáttі ótіp, sporttyq rýhtaryńyz joǵary bolsyn!» - dedі Azamat Aǵzamov.
Bul joly velosherýge qatysýǵa 406 adam nıet bіldіrgen. Olardyń eń egdesі – 68 jasta, al kіshіsі – nebárі 6-daǵy balaqaı. Barlyǵy bіrge aınalma joldan bastap Úrkerdegі «Jasyl beldeý» turǵyn alabynyń saıabaǵyna deıіngі 25 shaqyrym jerdі júrіp óttі.
Is-shara aıaqtalǵannan keıіn velosıpedshіler arasynda lotereıa jáne baǵaly syılyqtar oınatyldy.