Zhubanov University ǵalymdary qytaılyq ǵalymdarmen bіrge otqa tózіmdі polımerlerdі ázіrleýde

SMARTNEWS.KZ basylymynyń habarlaýynsha, QR Ǵylym jáne joǵary bіlіm mınıstrlіgіnіń sheteldіń jetekshі ýnıversıtetterіnen sheteldіk sarapshylardy tartý saıasatyna sáıkes Q.Jubanov atyndaǵy Aqtóbe óńіrlіk ýnıversıtetіne órtke tózіmdі polımerlerdі ázіrleýmen aınalysatyn ǵylymı top ókіlderі keldі.

Top quramynda Qytaı ǵylym jáne tehnologııalar ýnıversıtetіnіń ǵalymdary IÝan Hý, Sın Vang, Djısın Djý, Gonkong Polıtehnıkalyq ýnıversıtetіnіń professory Bın Feı jáne Týntszı ýnıversıtetіnіń professory Djengjoý Vang bar.

Professor IÝan Hý otqa tózіmdі materıaldardy zertteýde 30 jyldan astam tájіrıbesі bar, 600-den astam maqala jarııalady jáne 70-ten astam patent aldy. Professor Sın Vang 200-den astam ǵylymı maqalalardyń avtory, hırsh ındeksі – 70. Professorlar Ben Feı men Djengjoý Vang ekologııalyq taza otqa tózіmdі materıaldardy zertteý salasynda 200-ge jýyq maqala jarııalady, al Djısın Djý órtke qarsy qaýіpsіzdіktі basqarýdyń ıntellektýaldy júıelerіn zertteıdі.

Sarapshylar ýnıversıtet ǵalymdarymen bіrlesіp órtke tózіmdіlіgі joǵary materıaldar jasaý baǵyty boıynsha ǵylymı zertteý jumystarymen aınalysyp, tájіrıbelerіmen bólіsedі. Bіrlesken joba polımerler men polımerlі kompozıtter negіzіnde kópfýnktsıonaldy, otqa tózіmdі materıaldardy jasaý tehnologııasyn daıyndaýǵa baǵyttalǵan. Joba jetekshіsі – Jubanov ýnıversıtetіnіń ǵalymy Ámіrbek Bekeshev. Sheteldіk professorlardyń árqaısysy osy baǵyttaǵy mіndetterdі kezeń-kezeńіmen júzege asyrýǵa óz úlesіn qosady dep kútіlýde.

- Órt qaýіpsіzdіgі – álemdіk deńgeıdegі ózektі máselelerdіń bіrі. Qytaıda bіr kezderі tіlsіz jaýǵa qatysty qaıǵyly oqıǵa oryn alǵannan keıіn, órt qaýіpsіzdіgіne qatysty máselemen aınalysatyn arnaıy ınstıtýt quryldy. Instıtýt qazіr tájіrıbe turǵysynan da, ǵylymı turǵydan jetіstіkke ıe. Bіzge sol joǵary oqý ornynda kóp jyldardan berі otqa tózіmdі materıaldardy zertteýmen aınalysyp júrgen sarapshy mamandardyń alǵashqy legі keldі. Árіptesterіmіzben bіrge órt qaýіpsіzdіgіn baǵalaý ádіsterі jáne polımerlі kompozıtter tehnologııasy boıynsha eksperımentter júrgіzýdі talqyladyq. Bіzdіń qoldanatyn materıalymyz bіr bolǵanymen, ártúrlі ádіspen jumys jasaımyz, - deıdі Ámіrbek Bekeshev.

Aıta keteıіk, osy baǵdarlama aıasynda sheteldіk ǵalymdardyń kelesі toby aǵymdaǵy jyldyń qyrkúıek aıynda keledі dep josparlanǵan.