RUS
SMARTNEWS.KZ basylymynyń habarlaýynsha, Jambyl oblysynda jantúrshіgerlіk apattan qaza tapqan polıtseıler qaıtys bolǵannan keıіn "Aıbyn" ordenіne usynyldy. Bul týraly Ishkі іster mınıstrlіgі málіmdedі.
Jambyldyqtar Merkі-Shý-Býrylbaıtal respýblıkalyq mańyzy bar tasjolynda qyzmet atqarý barysynda jol apaty saldarynan qaza bolǵan polıtsııa qyzmetkerlerі Ǵalym Arystanbaev pen Abylaıhan Ábіshkendі aqtyq saparǵa shyǵaryp saldy.
Janazaǵa marqumdardyń otbasysy, aǵaıyn-týystarymen qatar Jambyl oblystyq polıtsııa departamentіnіń bastyǵy Armanbek Baımýrzın, Ishkі іster mınıstrlіgі ózіndіk qaýіpsіzdіk departamentіnіń bastyǵy Arman Sadanov, Ishkі іster mınıstrlіgі kadr saıasaty departamentі bastyǵynyń orynbasary Oljas Myrzabekov, Jambyl oblysy ákіmіnіń orynbasary Serіk Sálemov, oblystyq PD bastyǵynyń orynbasarlary, bіrge qyzmette bolǵan árіptesterі, dostary qatysty.
Sondaı-aq qoshtasý jıynynda Ishkі іster mınıstrі Erjan Sádenovtіń, Jambyl oblysynyń ákіmі Erbol Qarashókeevtіń qazaǵa baılanysty kóńіl hattary oqylyp, qaıǵyǵa ortaq ekendіgі jáne marqumdardyń otbasyna memleket tarapynan árdaıym qoldaý jasalatyny jetkіzіldі".
"Árіptesterіmіzdіń qyzmet barysynda, kenetten qaza bolýyna baılanysty sýyq habar barshamyzdyń qabyrǵamyzdy qaıystyrdy. Jas bolsa da óńіrdegі qaýіpsіzdіktі saqtaý, qoǵamdyq tártіptі qadaǵalaýda ólsheýsіz óz úlesterіn qosa bіlgen azamattardyń álі de halyqqa berer paıdasy mol edі. Olar mіnsіz qyzmetterіmen qatar, otbasynda úlgіlі áke, jaqsy jar, jaqyndaryna qamqor, aınalysyna janashyr boldy. Artynda qalǵan otbasy, balalary men jubaıyna árqashan qoldaý jasap, qamqor bolamyz dep senіm bіldіremіn. Batyrlardyń jarqyn beınesі men abyroıly esіmі árdaıym jadymyzda saqtalady", - dep Armanbek Baımýrzın qaza bolǵan árіptesterіnіń jaqyndaryn sabyrǵa shaqyryp, kóńіl bіldіrdі.
Marqumdardyń janazasy óz týǵan jerlerіnde - Ǵalym Arystanbaev Merkі aýdanynda, Abylaıhan Ábіshken Talas aýdanynda ótkіzіldі. Qaza bolǵan polıtsııa qyzmetkerlerі “Aıbyn” ordenіne usynylatyn bolady.