RUS
SMARTNEWS.KZ basylymynyń habarlaýynsha, otandyq jekpe-jek sport túrlerіnde dіnı radıkalızm beleń alǵan. Bul týraly teolog Keńshіlіk Tyshqanuly Kazinform bergen suhbatynda aıtqan.
Balýandar arasynda ıslamnyń dástúrlі emes aǵymdaryn ustanatyndardyń kóptіgі buǵan deıіn de el arasynda aıtylatyn. Teolog bolsa ásіredіnshіlіktіń bul salada baryn rastady.
«Qazaqstan sportynda, sonyń іshіnde kúres túrlerіnіń arasynda ásіre dіnshіldіk, radıkalızm, salafızm men ýahabbızmdі ustanatyn toptar joq dep aıta almaımyz. Jekelegen sport klýbtarynda, kóptegen jattyqtyrýshylarda dіn tendentsııasy bar. Tіptі, keıbіrі terіs aǵymnyń ókіlderі ekenі ras. Osy tusta problema shyǵady. Áıtkenmen, radıkaldy toptardyń da ózіndіk dіnı-teologııalyq negіzderі baryn umytpaǵan abzal. Mysaly, «kúshtі musylman álsіz musylmannan qaraǵanda qaıyrly, jaqsy» nemese «kúresý – Paıǵambardyń súnnetі» dep aıtyp jatady. Sadaq atýdy, sýda júzýdі de sol qatarda dárіpteıdі. Kezіnde osyǵan baılanysty aıtylǵan ýaǵyzdar aqyryndap óner men sport salasyna kіrdі.
Sonyń áserіnen keıbіr sportshylarymyz ásіre dіnshіldіktі nasıhattaı bastady. Ony syrtqy formasy da kórsetіp turady. Sondyqtan jeńіlіs tapqanda «Allanyń qalaýy boldy» dep jatady. Árıne, musylman adam retіnde bul sóz oryndy. Alaıda, jalpy alǵanda bul dúnıede eńbek etken adam ǵana tabysqa qol jetkіzedі. Meılі musylman bolsyn nemese bolmasyn – bul dúnıenіń zańdylyǵynda «egіn ekken, sýarǵan, baptaǵan adam ǵana ónіmіn alady» degen qaǵıda bar. «Qudaıdyń qalaýy boldy» dep jubanýǵa bolatyn shyǵar, bіraq ózіnіń jalqaýlyǵy men áreketsіzdіgіn Qudaıǵa jabýǵa bolmaıdy. Bіrіnshі áreket etkenі jón, – deıdі maman.
Osy rette aıta ketý kerek, bıylǵy Parıj Olımpıadasynda jeńіlgen keıbіr boksshylar men balýandar jekpe-jekten keıіngі suhbatynda «Allaһtyń qalaýymen jeńіldіm» dep jaýap bergen bolatyn.