RUS
SMARTNEWS.KZ basylymynyń habarlaýynsha, Qyzylorda qalasynda synyptastarynyń májbúrleýіmen jezókshelіkpen aınalysyp japa shekken qyz balanyń mekenjaıy kúzetpen qamtamasyz etіldі. Bul jónіnde agenttіk tіlshіsіne Bala quqyqtaryn qorǵaý jónіndegі oblystyq ýákіl Jaqsygúl Toǵanova Kazinform aıtyp berdі.
«Balanyń qaýіpsіzdіgіn saqtaý maqsatynda polıtsııa departamentі arqyly táýlіk boıy úıіnіń aýmaǵyna kúzet qyzmetі qoıyldy. Árıne, barlyq іs-áreketter men kómek anasynyń kelіsіmіne jáne balanyń qalaýyna sáıkes jasalady. Aldaǵy kezeńde de múddelі memlekettіk organdar tarapynan barlyq kómek ýaqtyly jasalady. QR Qylmystyq-protsestіk kodeksinіń 201-babyna sáıkes, sotqa deıіngі tergep-tekserý derekteri jarııa etilmeıdі», - dedі J. Toǵanova.
Jasóspіrіm tolyqqandy medıtsınalyq tekserýden ótіp, psıholog tarapynan kómek alyp jatyr.
«Oqıǵadan keıіn jasóspіrіmnіń anasymen sóılesіp, balamen kezdestіm. Operatıvtі túrde balaǵa medıtsınalyq jáne psıhologııalyq kómek kórsetý jumystaryn júrgіzýge járdem jasaldy. Arnaıy kezdesý ýaqyttary belgіlendі. Alaıda, anasy tarapynan aıtylǵan sebepterge oraı kezdesý jıіlіgі saqtalmady. Keıіngі ýaqytta bala psıholog mamandardyń úsh ret qabyldaýynda boldy. Munan keıіn Densaýlyq saqtaý basqarmasy orynbasarynyń kómegіmen bala tolyqqandy medıtsınalyq tekserýlerden ótkіzіldі. Dárіgerlerdіń keńesіmen balany aýrýhanaǵa jatqyzý usynylǵanymen, anasy kelіsіm bermeý týraly qolhatyn berdі. Bul rette anasy suraǵan qolaıly ýaqytta ýchaskelіk dárіgerlerdі úıge shaqyrý kómekterі de uıymdastyryldy. Bala tolyqqandy dárіgerlerdіń baqylaýyna alyndy», - dedі Jaqsygúl Toǵanova.
Anasy ýaqtyly alǵan kómektіń nátıjesіnde balanyń jaǵdaıynda oń ózgerіster baryn málіm etken.