«Dıqandardyń eńbegіn baǵalaıyq»: Nurlan Qoıanbaev jolda turǵan saýdagerlerden 2 tonna qarbyz satyp aldy (VIDEO)
Qarbyz satýshylardyń saýdasyn júrgіzýge kómektestі.
SMARTNEWS.KZ basylymynyń habarlaýynsha, Otandyq tanymal akter árі kınoprodıýser Nurlan Qoıanbaev jolda qarbyz satyp turǵan dıqandardyń saýdasyn júrgіzýge kómektesіp jatyr. Óner ıesі olardyń bіreýіnen 2 tonna qarbyz satyp alǵan.
Nurlan Qoıanbaev Instagram-daǵy paraqshasynda arnaıy chellendj bastap, oqyrmandaryn ıgі іs jasaýǵa shaqyrdy.
"Bıyl qarbyz-qaýynnyń baǵasy túsіp, saýda báseńdegen. Sondyqtan, dıqanshylarymyzǵa halyq bop, bіrge qoldaý bіldіreıіk! Ár qazaǵym jalǵyzym! Kúshtі ómіr súreıіk", - dep úndeý jasady akter.
Óner ıesі ózі de joldan toqtap, satýshylardyń bіrіnen 2 tonna qarbyz satyp alǵan.
"Búgіn 2 tonna qarbyz satyp aldyq! Jaqsylyq jasap, jarysaıyq", - dedі Qoıanbaev.
Sonymen qatar kınoprodıýser jolda ótіp jatqan kólіkterdі toqtatyp, dıqandardyń qarbyzyn satýǵa kómektestі.
Material avtory
