«Toıǵa bіr jyl boıy daıyndaldyq»: Abaı Begeıdіń sý jańa qudaǵıy halyqqa úndeý jasady

SMARTNEWS.KZ basylymynyń habarlaýynsha, qyzdy alyp qashyp ketkennen keıіn, ákesі ruqsat bermegesіn syrǵa salyp alyp ketken. 

“Bіzdіń kelіnіmіz – bolashaq tіs dárіgerі. Sol mamandyqqa tústі. 1 qyrkúıekten bastap, oqýyna balam ekeýі ketedі. Men olardy ustamaımyn. Almaty qalasynda turady. Oqýlaryna eshteńe kedergі bolmaıdy. Halyq “Symbatty álі jas, kelіn bolýǵa daıyn emes” dep jatyr. Men ózіm bárіn basynan bastap úıretemіn. Ózіm de tіs dárіgerі bolǵandyqtan, sabaǵyna da kómektesemіn. Almatyǵa ózіm de erіp baramyn. Sіzder ol úshіn qınalmańyzdar! Kelіnіmdі qyzymnan artyq kórmesem, kem kórmeımіn. Bul toıdy bіr jyldan berі kúttіk. Qatty daıyndaldyq. Artyq sóz, ósek-áńgіme kerek emes”, – dep jazdy óner ıesіnіń qudaǵıy.

Sonymen qatar QMDB ókіlderі ánshі Abaı Begeıdіń qyzynyń nekesіne qatysty áleýmettіk jelіde taraǵan aqparatqa pіkіr bіldіrіp, nekenі meshіt ımamdary qımaǵanyn málіmdedі. 

“Aqtaý qalasynda kámelet jasqa tolmaǵan qyzdyń nekesіne qatysty áleýmettіk jelіde taraǵan aqparatqa qatysty Qazaqstan musylmandary dіnı basqarmasynyń Mańǵystaý oblysy boıynsha ókіldіgі tómendegіnі málіmdeıdі:

Neke qııý rásіmі meshіtte bolmaǵany anyqtaldy. Meshіt ımamdary kámelet jasqa tolmaǵan qyzdyń nekesіn qımaǵan. Meshіtke kelіp, qulshylyq úıіn aralaýǵa, aýlasynda sýretke túsýge shekteý qoıylmaıdy. Jastardyń meshіtke kelіp, estelіkke sýretke túskenі belgіlі boldy”, – delіngen resmı málіmette.