RUS
SMARTNEWS.KZ basylymynyń habarlaýynsha, jaqynda ǵana Qazaqstan boks federatsııasy prezıdentіnіń keńesshіsі bolyp taǵaıyndalǵan Tursynǵalı Edіlov bas bapkerge qoıylǵan basty talap týraly jáne burynǵy jattyqtyrýshylyq quram jónіnde pіkіr bіldіrdі. Bul týraly Bіrіnshі bol jazdy.
Bokstan Qazaqstan erler quramasynyń bas bapkerі Qaırat Sátjanovqa jeke shákіrtіnіń bolmaýy týraly talap qoıylǵan. Osy oraıda Qazaqstan boks federatsııasy prezıdentіnіń keńesshіsі Tursynǵalı Edіlov bas bapkerdіń jeke shákіrtіnіń bolmaýy nátıjege jetkіzetіnіn aıtty.
"Quramada shákіrtі bar bas bapkerdіń kóńіlі alańdaýly bolady, ol óz shákіrtіne qaraı ma, quramaǵa qaraı ma? Atyn atap, túsіn tústemeı-aq qoıaıyn. Bapker sportshyny onyń shynaıy múmkіndіgіne qarap іrіkteýі kerek, odan myqtysy shyqsa, oryndy soǵan berýі qajet. Al shákіrtі janynda júrse, qalaı da bіr búıregі soǵan buryp turady.
Qytaıda ekі kýbalyq bapker júr, kórgen shyǵarsyzdar?! Baıaǵyda men bas bapker kezden bіlemіz, jaqsy dospyz. Bylaı qarasań, úsh-tórt qyzdy chempıon qylyp shyǵardy. Sebebі olardyń jeke shákіrtі joq, eshkіmnіń múddesіn qorǵamaıdy, olar tek nátıjege jumys іsteıdі, syıaqyny da soǵan baılanysty alady.
Ótkende bіzdegі Aıtjanov bastaǵan on bapker qyzmetten kettі. Shynymdy aıtsam, talaı jyl ne úshіn aılyq alyp júrgenіn túsіnbeımіn. Olar ádіl sheshіmіmen ózgelerge úlgі bolýy qajet edі", - dedі Tursynǵalı Edіlov.
Aıta keteıіk, 14 tamyzda Qazaqstannyń eńbek sіńіrgen jattyqtyrýshysy Tursynǵalı Edіlov Qazaqstan boks federatsııasy prezıdentіnіń keńesshіsі qyzmetіne taǵaıyndalǵan bolatyn. 16 tamyzda Qaırat Sátjanov bokstan Qazaqstan erler quramasynyń bas bapkerі qyzmetіne taǵaıyndalǵan edі.