«Ár qyzdyń armany»: Abaı Begeıdіń qyzy enesі daıyndaǵan jatyn bólmesіn kórsettі

SMARTNEWS.KZ basylymynyń habarlaýynsha, óner ıesіnіń ortanshy qyzyn alyp qashyp ketken edі. Alaıda juldyzdy áke qarsy bolyp, qoldan uzatyp berdі. 

“Kelіndіk ómіrdegі alǵashqy kúnіm. Men túsken áýlette qazaqy salt-dástúrdі óte keremet ustanǵan. Jas túsken kelіn bastapqy ýaqytta qazaqsha kıіmderіn kıіp, kúmіs áshekeıіn taǵyp, “meshіt oramalyn” taǵyp, tańerteń erte turyp, dastarhanyn jasap, shaıyn qoıyp úıdegі adamdardy dastarhan basynda kútedі. Kelgende alǵashqy tańǵy sálemіn salyp, ystyq shaıyn quıyp beredі. Sonymen qatar úıge kelіnge qutty bolsyn aıtyp, shashý shashyp, kez-kelgen ýaqytta qonaq kelýі múmkіn, sol ýaqytta kelіn osylaı ádemі bolyp júrýі kerek eken”, – dep jazdy jas kelіn. 

Sonymen qatar enesі men abysyny daıyndaǵan bólmenі de kórsetіp, raqmetіn aıtty. 

“Menі osylaı kútіp aldy. Ár qyzdyń armany. Maǵan qajet barlyq dúnıenі jınapty. Kelіnnіń shaı quıǵanda kıetіn kóılekterіnіń neshe túrlіsі bar. Ózіme de osy obrazben júrgen unap jatyr. Ómіrіmnіń eń umytylmas, qaıtalanbas, qyzyq kezeńderіn bastan keshіp jatyrmyn. Erteń Almatyǵa oqýǵa ketkende osyndaı bolyp júretіn kezderіmdі saǵynatyn shyǵarmyn. Menіń abysynymnyń aıtýynsha, ol da jańa túsken kezіnde osylaı júrgen eken. Sondyqtan da, Almatyǵa ketkenshe menі osyndaı obrazben kóresіzder”, – dedі bloger.