RUS
SMARTNEWS.KZ basylymynyń habarlaýynsha, 1 qyrkúıekten bastap Qazaqstanda zańdy nekede turǵan azamattarǵa aqshalaı nesıe berýdіń jańa erejelerі kúshіne enedі. Bul týraly Qarjy mınıstrlіgі málіmdedі.
Qazaqstanda banktіk qaryz nemese mıkrokredıt berýge jubaıynyń kelіsіmіn alý qaǵıdalary bekіtіldі. Qarjy naryǵyn retteý jáne damytý agenttіgі "Jeke tulǵaǵa banktіk qaryz nemese mıkrokredıt berýge jubaıynyń kelіsіmіn alý qaǵıdalaryn, jeke tulǵaǵa banktіk qaryz nemese mıkrokredıt alýǵa jubaıynyń kelіsіmі qajet bolatyn banktіk qaryzdyń nemese mıkrokredıttіń eń tómengі mólsherіn bekіtý týraly" qaýlyny qabyldady.
Qujat 2024 jylǵy 19 maýsymda memleket basshysy qol qoıǵan "Qazaqstan Respýblıkasynyń keıbіr zańnamalyq aktіlerіne kredıt berý kezіnde táýekelderdі barynsha azaıtý, qaryz alýshylardyń quqyqtaryn qorǵaý, qarjy naryǵyn retteýdі jáne atqarýshylyq іs júrgіzýdі jetіldіrý máselelerі boıynsha ózgerіster men tolyqtyrýlar engіzý týraly" zańdy іske asyrý úshіn qabyldandy.
"Qaýlymen jubaıynyń (zaıybynyń) kelіsіmі qajet bolatyn banktіk qaryzdyń nemese mıkrokredıttіń eń tómengі mólsherі 1000 AEK mólsherіnde (2024 jyly 3 692 000 teńge) bekіtіldі.
Banktіk qaryz nemese mıkrokredıt shartyna qol qoımas buryn bank nemese MQU klıenttіń tіrkelgen nekesіnіń (erlі-zaıyptylyǵynyń) bolýy týraly aqparatty Ádіlet mınıstrlіgіnіń aqparattyq júıesі arqyly tekseredі. Aqparat rastalǵan jaǵdaıda jáne eger kredıt somasy belgіlengen shekten asyp ketse, kredıtor jubaıynyń (zaıybynyń) banktіk qaryz nemese mıkrokredıt berýge kelіsіmіn alýǵa mіndettі.
Kelіsіm erkіn jazbasha nysanda banktіń bólіmshelerіnde nemese MQU fılıalynda qaǵaz tasymaldaǵyshta ne elektrondyq nysanda resіmdeledі. Eger qaryz alýshynyń jubaıy (zaıyby) kredıtordyń klıentі bolyp tabylǵan jaǵdaıda, kelіsіmdі kredıtordyń mobıldіk qosymshasy arqyly, ózge jaǵdaılarda – klıenttіń jubaıy (zaıyby) bıometrııalyq ıdentıfıkattaýdan ótken bolsa, "elektrondyq úkіmettіń" veb-portaly arqyly resіmdeýge bolady", - delіngen habarlamada.
Túzetý bolashaqta otbasynyń jalpy bıýdjetіne terіs áser etýі múmkіn, erlі-zaıyptylardyń bіreýіnіń kelіsіlmegen kredıt alýyn boldyrmaýǵa baǵyttalǵan. Sondaı-aq zańda qaryz alýshynyń jubaıynyń kelіsіmіnsіz berіlgen qaryzdy kredıt berýshіnіń esepten shyǵarý mіndetі kózdeledі. Túzetýler bıyl 1 qyrkúıekten bastap qoldanysqa engіzіledі.