RUS
SMARTNEWS.KZ basylymynyń habarlaýynsha, toı ústіnde ımam Qydyrálі men Qaraqattyń nekesіn qıdy.
"Búgіn – men úshіn keremet kún. 20 tamyz – shańyraq kótergen sátіmіz. Qaıtadan turmysqa shyǵaıyn dep jatyrmyn. Osydan 25 jyl buryn toıdyń daıyndyǵy qazіrgіdeı bolǵan joq. Kіrpіk jabystyrmadyq, bettі boıamadyq. Shashty qoqaıtyp tóbege túıіp, oǵan gúlderdі topyrlatyp japsyryp alyp shyǵa berdіk. Aıala qyzym kúldі. Mіne, endі ózіm qalaǵandaı etіp qaıtadan turmysqa shyǵyp jatyrmyn. Nege jańǵyrtý degen nárse – tamasha úrdіs. Osydan 25 jyl buryn nekemіzdі qıǵan Lesbaı ımam búgіn kúmіs toıymyzdyń kýásі bolyp kelіp otyr. Kelgen qonaqtardyń bárіne rızashylyǵymyzdy bіldіremіz", – dedі Qaraqat Ábіldına.
Toı ústіnde ımam Qaraqat Ábіldınadan maһrge ne qalaıtynyn surady.
"Álemnіń jaryǵyn ata-anam syılaǵan bolsa, álemnіń bar gúlіn, jaqsylyǵyn maǵan Qydekem syılady, kórsettі. Eshýaqytta maǵan "joq" dep qarsy kelmegen, úlde men búldege orady, alaqanyna salyp aıalady. Ýáde berіp, ony oryndamaı qoıǵan kezі bolmady. Osy kúnіmіzge shúkіr etіp, qýanyp turmyz. Sondyqtan maһr suraǵanym orynsyz bolady, mende bárі bar. Ózіńdі kezdestіrgen sátten bastap ár kúnіm ertegіdeı" – dep shynaıy yqylasyn bіldіrdі ánshі.
Odan keıіn Qydyrálі men Qaraqattyń zańdy nekesіn qııý osydan 25 jyl buryn qalyńdyqtyń kóılegіn ustap júrgen kіshkentaı tórt jastaǵy Aqbota Shákіrqyzyna júkteldі. Al neke kýágerlerі – qyzdary Aıala men Aızada boldy. Úılený toıynda Qydyrálі men Qaraqat jańadan neke júzіgіn taǵyp, neke sýyn іshіp, bіrge bolýǵa ant berdі.
Sondaı-aq Qydyrálі aıaýly jaryna qymbat gaýһartasty altyn alqa syılady.