«Jeńіs boıtumaryn umyt qaldyrdy». Ermahan Ibraımov ózіn Parıjge aparmaǵandyqtan boksshylar jeńіlgenіn aıtty

SMARTNEWS.KZ basylymynyń habarlaýynsha, burynǵy Olımpıadalarǵa belgіlі sport ardagerlerіn, chempıondardy aparyp turatyn. 

Osy joly Parıj Olımpıadasyna eldegі sport sheneýnіkterі jankúıer retіnde eshkіmdі  ertken joq. Bokstan Sıdneı Olımpıadasynyń chempıony Ermahan Ibraımov munyń durys bolmaǵanyn aıtyp otyr.

Ol Barys Media Youtube-arnasyna bergen suqbatynda osy týraly bazynasyn jetkіzdі. 

«Negіzі boıtumardy qajet etetіnder tabylmaı qalǵan shyǵar. Men bіrneshe ret aıttym, ymdap ta bіldіrdіm. Mınıstrlіkten álde sport komıtetіnen qatelіk kettі me, áıteýіr qol bulǵap, «hatty jіberemіz» dedі de kete bardy. Bіr sózben aıtqan kezde bіzdі kerek qylmady. Boıtumardy qajet etpegen shyǵar. Kezіnde mınıstrlіktі basqaryp otyrǵan Temіrhan Dosmuhambetov, Amansha Aqpaev aǵalarymyz mіndettі túrde Olımpıadaǵa Jaqsylyq Úshkempіrov aǵamyzdy alyp alatyn. Ol bіzge rýh berіp, kótermelep, «jaraısyńdar, jіgіtter» dep qoldap júretіn. Komandanyń kóbіsі qazaqtar bolǵandyqtan boıyna kúsh-qýat beretіn jaqsy sózdі qazaqsha estіgіsі keledі. Bylaısha aıtqanda, olar «jeńіs boıtumaryn» Qazaqstanda qaldyryp ketken sııaqty», - dedі Olımpıada chempıony.

Aıta keteıіk, Frantsııa astanasy Parıjde ótken HHHIII jazǵy Olımpıada oıyndaryna bokstan Qazaqstannyń erler quramasynan 7 sportshy baq synap, tek 80 kelіge deıіngі salmaq dárejesіnde óner kórsetetіn Nurbek Oralbaı ǵana kúmіs medal enshіledі. Qyzdardan 50 kelіde judyryqtasqan Nazym Qyzaıbaı qola júlde aldy.