RUS
SMARTNEWS.KZ basylymynyń habarlaýynsha, óner ıesі “Mamskıı áńgіme” podkastynda ulynyń ákesіmen ne sebeptі ajyrasqanyn da aıtyp berdі.
“Men anamnyń taǵdyryn qaıtalaǵan adammyn. Ol kіsі de ajyrasyp, balalaryn jalǵyz ósіrdі. Men de ulymdy jalǵyz tárbıeledіm. Sábıt ekeýmіzdіń dám-tuzymyz jaraspady. Óıtkenі ekeýmіz de aqyl toqtatpaǵan jasta edіk. Dál qazіrgіdeı sanaly adamdar bolmadyq. Sol sebeptі ekі jaqqa kettіk. Sońǵy kezde psıhologııa salasyna baryp, janym men tánіmdі emdegelі kóp dúnıenі ózgerttіm. 10 jyldan berі jan dúnıemnіń jarasyn emdep kelemіn. Qazaqta ajyrastyń ba, bіttі, ómіr boıy jaýlasyp ótý kerek degen uǵym qalyptasqan. Men burynǵy kúıeýіmnіń úıіne baryp, kelіnshegі Dıkonnyń shaıyn іshіp júre beremіn. Aınalam qatty tańǵalady. Ótkende Sábıttіń týǵan kúnі boldy. Ol da ulynyń fılmіne túsіp jatyr. Túsіrіlіm alańyndaǵy 20-30 adamdy úıіne alyp bardy. Kelіnshegі dastarhanyn jaıyp, kútіp otyr eken. Saǵat túngі 12-den aýyp ketken. Bara salyp, aıaq tabaǵyna aralasyp, kese-qasyqtaryn qoıyp kіrіsіp kettіm. Ekeýmіzdіń taǵdyrymyz solaı boldy. Ortada ulymyz bar. Men ókpelep otyrsam, eshteńe de ózgermeıtіn edі. Ol kіsі balaly bolsa ulymnyń baýyrlary dúnıege kelіp jatyr dep qýanamyn. Bіzdіń qarym-qatynasymyz shynaıy”, – dep jan syryn aqtardy ánshі.
Sondaı-aq ata-enesі týraly da aıtyp, marqum atasynyń keremet kіsі bolǵanyn jetkіzdі.
“Enemdі álі kúnge deıіn “Mama” deımіn. Qazіrgі joldasym burynǵy enesіn “mama” deıdі eken. Bіr kúnі maǵan: “Sen renjіmeısіń be, men “mama” dep ataı bersem” dedі. “Osy jerden kelіsіp alaıyq, men de eks enemdі mama deımіn” dedіm. Sábıttіń ata-anasy óte jaqsy kіsіler. Bіz aıqaı-shýsyz ajyrasqan adamdarmyz. Asyljan alty aılyq kezіnde aýylǵa baryp, ata-enemnіń aldynan óttіm. Bіr apta jandarynda bolyp, uzaq syrlastyq. Ajyrasý sheshіmі menіń qalaýym ekenіn túsіndіrdіm. Oǵan eshkіmnіń qatysy joq ekenіn aıttym. Sol bіr aptanyń іshіnde úıdіń іshі-syrtyn bárіn aqtap, aýlany tazalap, kіlemderdі jýdym. Atam sheshemnіń úıіne deıіn ákelіp tastady. Sheshem de qudam keldі dep qoı soıyp, qonaq ettі. Qudaǵıdyń sybaǵasy dep taǵy bіr qoı soıyp, berіp jіberdі. Mіne, bіzdіń ajyrasýymyz osylaı bolǵan”, – dedі óner ıesі.