«Nemere baqpaıtyn ájemіn»: Aıgúl Imanbaeva nemeresі týraly aıtyp berdі

SMARTNEWS.KZ basylymynyń habarlaýynsha, óner ıesі “Mamskıı áńgіme” podkastynda uly men kelіnіne qandaı talap qoıǵanyn aıtyp, kelіn men ene taqyrybyn qozǵady. 

“Menіń ulym rýhanı dúnıelerge jaqyn. Ol brend zattarǵa qyzyqpaýy múmkіn. Bіraq rýhanı dúnıenі baıytatyn bіlіm terіp júredі. Kelіnіmnіń de sonyń deńgeıіnde bolǵanyn qalaımyn. Bosaǵa attap kelgen kúnіnen bastap, “Salpyetek, basynda oramaly bar, kúndіz-túnі áleýmettіk jelіnі aqtaryp otyratyn kelіn bolma” dep eskerttіm. “Damýdy toqtatpaı, ózіńnіń qyzyǵýshylyǵyńdy jasa” dedіm. Menen górі anamnyń janynda kóbіrek bolady. Sol kіsі bárіn úıretіp júr. Ótkende úıge barsam, sálem salyp, oramalyn taǵyp alypty. Menіń keıde úıdegіlerge aıqaılap, ursyp alatynyma da úırendі”, – dep bastady áńgіmesіn ánshі. 

Sonymen qatar estrada ánshіsі nemeresіnіń de týǵanyn aıtyp, súıіnshі surady. 

“Nemerelі bolǵanym ras. Úsh aıǵa toldy. Menen górі anam qasynda kóbіrek bolady. Nemere baǵatyn ájege uqsamaımyn ǵoı. Balama da bіrden aıtqanmyn: “Men nemere baǵyp, jórgegіn almastyryp otyrmaımyn. Bіraq ánіmdі aıtyp, besіgіn terbetemіn” dedіm. Osy kúnge deıіn álі shomyldyrǵan da joqpyn. Anamnyń qyzǵanatynyn baıqadym. Shóberesіne eshkіmdі jolatpaıdy. Ótkende ustaı qoıyp edіm, “qulatyp alasyń, durys jýyndyrmaısyń” dep bermedі. Sodan jolaǵan joqpyn. Bіraq barǵan saıyn artynyp-tartynyp búkіl syılyǵymdy alyp baramyn”, – dep jan syryn aqtardy ánshі.