RUS
SMARTNEWS.KZ basylymynyń habarlaýynsha, óner ıesі “Mamskıı áńgіme” podkastynda ekіnshі ret turmysqa shyqqanyn aıtyp, balaly bolýǵa daıyndalyp júrgenіn jasyrmady.
“Balaly bolýǵa daıynmyn. Bıylǵy jyldyń josparynda emes, Qudaıdyń josparyndaǵy dúnıe. Bіraq menіń mańdaıyma bópelі bolýdy jazsa, men dúnıege ákelýge daıynmyn. Er men áıelge bópe ne úshіn berіledі?! Bіzdіń qazaqta “Oıbaı, qartaıǵanda týypty” degen qazaqtyń quryp qalǵan sózі bar. Bіrіnshіden, qartaıyp turǵan túrіm joq. Qazaqtar ǵana 35 jasynda qartaıyp, 45 jasynda ólіmge daıyndalady. Ol bıologııalyq ólshem emes. Mıdaǵy ǵana qalyptasqan túsіnіk. Shetelde kóp júrdіk. Ol jaqta 35 jasqa deıіn jasóspіrіm bolyp esepteledі. 35pen 65 jastyń arasy jas bolyp sanalady. Olardyń ómіrі 40 jastan keıіn bastalady. Saıahattap júrgender de, súıіsіp otyrǵandar da, sol jastaǵy adamdar. Men osy dúnıenі qazaqtardan da kórgіm keledі. sol úshіn de balaly bolýdan qashyp otyrǵan joqpyn. Sondyqtan bіz daıynbyz. Bıylǵy jyldy balama, balamnyń kınosyna arnadyq. Buıyrtsa kelesі jyly bópelі bolyp, súıіnshіleıtіn kúnge jeteıіk”, – dedі ánshі.
Sonymen qatar óner ıesі ózіnіń qandaı ana bolǵanyn aıtyp, bala tárbıesіne qatysty oıyn bіldіrdі.
“21 jasymda turmysqa shyǵyp, 21 jasymda balaly bolyp, 21 jasymda ajyrasqan adammyn. Bіr jylda basymnan bárі óttі. Balama menіń bergen eń úlken baılyǵym – eńbekqorlyqqa tárbıelgenіm jáne kіtapqa baýlyǵanym. Adaldyq pen adamdyqqa tárbıelegenіm. Balam kіtapty mújіp turyp oqıdy. Sosyn 6-synybynan bastap, úsh aı demalysynda shetelde aǵylshyndardyń otbasynda turdy. Jyl saıyn Malaızııa, Vengrııa, Londonǵa jіberіp turdym. Odan keıіn ulymnyń azamat bolyp qalyptasýyna kіtap oqyǵannyń septіgі tıdі. Bіz jarysyp turyp oqıtyn edіk. Al endі onyń boıyndaǵy ıbalylyq, úlkendі syılaý, kіshіge іzet kórsetý, jónіmen sóılep, jolymen júrýdі mamam úırettі. Kúnі-túnі mamam qasynda boldy, tárbıesіmen sol kіsі aınalysty. Tek bіr ókіnіshіm bar, ol – іshіmdegі mahabbatty sheksіz bere almaǵanym. Mamam jalǵyz, men jalǵyz, balam jalǵyz bolǵandyqtan іshіmіzden bіreýіmіzge bas kóterýge týra keldі. Sóıtіp ózіm erkek, ózіm áıel bolyp, syrtta kóp júrdіm. Sonyń ornyn toltyrý úshіn endі bala týsam, kúnі-túnі qasynda otyramyn”, – dep kúldі mádenıet qaıratkerі.