RUS
SMARTNEWS.KZ basylymynyń habarlaýynsha, búgіn kásіpqoı boksqa 14 aıdan keıіn oralyp jeńіske jetken, ekі dúrkіn Olımpıada oıyndarynyń qola júldegerі Parıjdegі sátsіzdіk týraly pіkіr bіldіrdі. Ol sportarena.kz portalyna bergen suhbatynda osynyń sebebіn jetkіzdі.
«Menіń túıgenіm, oqý-jattyǵý jıynynda komanda múshelerі tym kóp júktema alyp qoıǵan. Jaqynda 2016 jylǵy Rıo Olımpıadasyndaǵy Efe Adjagbamen ótkіzgen jekpe-jegіmdі qarap shyqtym. Árıne, ol kezdesýde jeńіske jettіm. Bіraq ońaıǵa soqpaǵan. Óıtkenі sol kezde qaıta-qaıta jattyǵý jasaı berdіk. Eshqandaı tyń kúsh bolǵan joq. Bokstasqan kezde entýzıazm jetіsken joq. Osy joly Parıj Olımpıadasyna qatysty pіkіr bіldіrgen sarapshylardyń suhbatyn oqyǵanda úshіnshі raýndta jіgіtterdіń sharshap qalatynyn aıtqan. Sodan túsіngengenіm bіzdіń boksshylar tym artyq jattyǵý іstep, ábden zoryǵyp qalǵan», - deıdі Ivan Dychko.
Onyń aıtýynsha, bіzdіń bapkerler oqý-jattyǵý jıyndarynda boksshylarǵa qajettі emes, fızıkalyq jattyǵýlardy kóp jasatady.
«Bul joly da sol menіń jattyǵýyma uqsas bolǵan sekіldі. Qyzyq estіlýі múmkіn, bіraq júktemenі azaıtý kerek. Boksqa qatysy joq elementterdі alyp tastaý kerek. Mysaly, 15 shaqyrymdyq krosstyń qajetі shamaly. Boksshylarǵa paıdasy tıe bermeıdі. Úsh saǵat taýǵa shyǵý degen kerek emes. Ózіm qaısysynan qınalǵanyn aıtyp otyrmyn. Sonyń bárі maǵan kesіrіn tıgіzdі. Jalpy fızkalyq jattyǵýlarǵa qaraǵanda arnaıy daıyndyq pen tózіmdіlіkke kóbіrek kóńіl bólý kerek», - deıdі boksshy.
Aıta keteıіk, búgіn Ivan Dychko 14 aı úzіlіsten keıіn rıngke oralyp, amerıkalyq Kreıg Lıýıstі nokaýtppen jeńdі. Bul – qostanaılyq boksshynyń kásіpqoı bokstaǵy 14-shі jekpe-jegі. Onyń bárіnde Dychko jeńіske jetken jáne 13-і nokaýtpen.