RUS
SMARTNEWS.KZ basylymynyń habarlaýynsha, áleýmettіk jelіde "Túsіmde Paıǵambardy kórdіm!" dep tanymal bolǵan bloger Nazerkenіń hıdjabty sheshýge bіrneshe sebebі bolǵan. Sonyń іshіnde ol musylman er adamdar tarapynan kórgen qorlyǵyn jasyrmady.
"Hıdjabty sheshýge májbúr boldym. Halal degen jerlerde jumys іstedіm. Musylman erkekter "tósektes bolaıyq" dep maza bermedі. Namaz oqyp júrgen qanshama ońbaǵan erkektіń baryn sіzder bіlmeısіzder... Kóbі KNB-nіń (Ulttyq qaýіpsіzdіk komıtetі – red) adamdary jaman dep aıtady. Negіzі bárі mundaı emes. Maǵan "qazaǵymnyń qyzy" dep járdem bergen solar edі. Olar kómektespegende ne bolaryn kіm bіlsіn?!" – dedі Nazerke.
Nazerkenіń aıtýynsha, eshkіmnіń ımany syrtqy kıіmіmen ólshenbeıdі. Ol ımany men dіnі júregіnde ekenіn aıtty.
"Men árkіmnіń týlaǵyndaı ılenbeı, taza ómіr súrý úshіn, balalarymnyń júzі tómen bolmaýy úshіn osy qadamǵa bardym. Imanym da, dіnіm de júregіmde. Men – namysyn taptatpaǵan qazaqtyń qyzymyn. Osyny bіlіńіzder! Eshkіmnіń ımany syrtqy kıіmіmen ólshenbeıdі” degen ol basqalardan áıel retіnde ózіn túsіnýіn ótіndі", – dedі Nazerke.
Al almatylyq Alýa Bolatqyzy oramaldy 4 jyldan keıіn sheshken. Bіraq ol búrkenbeı turǵanda ata-anasy men dos-qurbylary qarsy shyqqan. Tіptі kolledjde oqyp júrgende ony sabaqqa kіrgіzbeı qoıypty.
"Dіnı manıpýlıatsııa... Endі ǵana dіndі tanyp kele jatqan 18 jastaǵy qyzǵa qatty áser ettі. Heıt kóp bolyp, eshkіm túsіnbedі. "Sen álі jassyń", "bul qazaqtyń kıіmі emes", "oramaldy turmysqa shyqqan soń taq", "sektaǵa kіrіp kettіń" degen sózder jıіlep kettі. Oramaldy 22 jasqa tolǵanda sheshtіm. Ishkі qalaýym. Bіraz eseıіp, árbіr dіnı áńgіmelerge analız jasap, bul jol menіkі emes ekenіn túsіndіm. Qazіr namaz oqymaımyn. Dіnge degen kózqarasym ózgerdі. Barlyq nárse sanaly túrde bolýy kerek dep oılaımyn. Búrkenіp alý jaqsy dep aıtpaımyn. Sebebі jan jaqtan neshe túrlі áńgіme, urys-kerіs kóbeıіp kettі. Týysqandardyń jeke basymnyń іsіne aralasýy, kolledjge kіrgіzbeı qoıǵan sátter kúızelіske túsýіme ákep soqty", – dedі almatylyq arý.
Alýa oramalyn sheshken kezde ózіn arqasynan bіr aýyr júk túskendeı sezіngen. Degenmen qoǵam tarapynan kóp synǵa ushyraǵanyn jasyrmady.
Foto Alýa Bolatqyzynyń jeke arhıvіnen alynǵan
"Menіńshe, bіlіmsіzdіktіń kesіrіnen kóp jas dіnı manıpýlıatsııaǵa tez eredі. Janymdaǵy qurbym namaz oqıtyn edі. Ol qyzben kolledjge túsken kezde tanystym. Keıіn ol maǵan dіn týraly kóp áńgіme aıta bastady. Qyzyǵyp, men de oqı bastadym. Meshіtke baryp, ýaǵyz tyńdap qaıtatyn edіk. Telefonnan neshe túrlі ýaǵyz tyńdaıtyn edіk. Ol maǵan "sen qashan kıesіń?", "ólіp qalsań qaıtesіń?", "arǵy dúnıeńdі oılamaısyń ba?", "Qudaıdan qoryqpaısyń ba?" dep, ózіne tartty. Basynda menіkі durys, sender qate oılaısyńdar dep oılaıtynmyn. Alaıda oramal taǵýdy qoıǵannan keıіn sol qurbym aralaspaı kettі", – dep túsіndіrdі Alýa.