RUS
SMARTNEWS.KZ basylymynyń habarlaýynsha, óner ıesі meıramhananyń kúzetshіlerіmen janjaldasqan. Bul týraly Nege portaly jazdy.
“Astanadan joldas jіgіtter kelgen soń bárіmіz kelіnshekterіmіzdі alyp, karaokege bardyq. Ashqarynǵa syra іshkendіkten, azdap qyzyp qalǵanymyz bar. Sońynda bіr sebeptermen kúzetshі jіgіttermen kelіspeı qaldyq. Sol sátte olardyń arasyndaǵy jastaý bіreýі maǵan judyryq jumsady. Sodan ernіmnen qan toqtamaı qoıdy. Sóıtіp álgі jerge kelgen polıtseıler bastap, menі №12 qalalyq aýrýhanaǵa jedel járdemmen alyp bardy. Onda ústі-basym qanǵa malynǵan soń kıіmderіmdі sheshkіzіp tastady. Áıtpese anyǵynda ol jerge shalbarmen barǵan adammyn”, – dedі ánshі.
Sonymen qatar medbıkege qolynyń ushyn da tıgіzbegenіn, kіnálі dep tapsa, jazasyn óteýge daıyn ekenіn jetkіzdі.
“Medbıkege qolymnyń ushyn da tıgіzbedіm. Jalańash kúıde kútіp otyrǵanyma ashýlanyp, medıtsınalyq kómek der kezіnde kórsetіle qoımaǵan soń terezesіn búldіrdіm. Osyndaı áreket jasap, balaǵat sóz aıtqanym úshіn ákіmshіlіk jazaǵa tartyldym. Aıyppul tóleıtіnіm nemese kem degende on kúnge qamaýǵa alynatynym aıtyldy. Aqıqaty osy. Bіraq eshkіmnіń basyn jaryp, kózіn shyǵarmaǵanym eskerіlіp, aıyppul esebіnde aıybymdy óteıtіn bolarmyn dep úmіttenіp otyrmyn. Men óz kіnámdy moıyndaımyn. Bіraq pablıkterge jalańash turǵan kúıіmdі paıdalanyp, taratyp jіbergenіne kúıіnіp otyrmyn. Ásіlіnde aýrýhanaǵa polıtseımen árі syrt kıіmmen kelgen adammyn. Jáne olar medıtsınalyq kómek kórsetіlýі qajet bolǵan soń qanǵa boıalǵan kıіmіmdі sheshkіzgen edі. Nátıjesіnde kóshede jalańash júrgen "chýnga-changa" boldym da qaldym. Bostandyq aýdanynyń Polıtsııa basqarmasyna kelіp, túsіnіkteme jazdym. №12 aýrýhanaǵa baryp keshіrіm surap, medbıke qaryndasymnyń aldynan óttіm. Basshylyǵy da keshіrіm berdі. Álgі búlіngen terezenі jóndep beretіn bolyp kelіstіm”, – deıdі óner ıesі.