RUS
SMARTNEWS.KZ basylymynyń habarlaýynsha, 2008 jylǵy Beıjіń Olımpıadasynyń chempıony Baqyt Sársekbaev "Egemen Qazaqstan" basylymyna bergen suqbatynda Vetnamda qyzmet etіp jatqanyn, sondaı-aq bokstan Qazaqstan quramasynyń tіzgіnіn ustaýǵa qalaı qaraıtynyn aıtty.
"Bіraz ýaqyttan berі Vetnamda eńbek etіp júrgen jaıym bar. Naqtylap aıtsam, bokstan Hanoı qalasy qurama komandasynyń keńesshі-bapkerіmіn. Bul jaqta da jaman jumys іstep jatqan joqpyn. Menіń shákіrtterіm bıylǵy Vetnam chempıonatynda 2 altyn, 3 kúmіs jáne 3 qola medaldy ıelenіp, jalpy komandalyq esepte ekіnshі oryndy oljalady. 8,5 mıllıon turǵyny bar astanalyq boksshylar atalǵan jarysta buryn-sońdy bіrde-bіr ret osyndaı bıіkke kóterіlgen emes. Osylaı qazіrgі kezde Úndі-Qytaı túbegіnde eńbek etіp júrmіn", - dedі Baqyt Sársekbaev.
Sondaı-aq Baqyt Sársekbaev bokstan ulttyq quramany tіzgіnіn ustaý týraly usynys tússe ne dep jaýap beretіnіn aıtty.
"Oǵan qarsy emespіn. Bіraq komandany "Etі senіkі, súıegі bіzdіkі" degen ustanymmen berse ǵana qabyldaımyn. Árkіm jumysyma aralasyp, "úıt, búıt" degenіn qalamaımyn. Talabym sol. Qazіr ózіm de jumyssyz emespіn. Shetelde jemіstі eńbek etіp jatqanymdy joǵaryda aıttym. Vetnamnyń sport basshylary atqarǵan sharýalaryma dán rıza. Eń bastysy, bul jaqta syılymyn. Alaıda qazaq boksynyń bolashaǵyna alańdaımyn. Sol kezde bárіn tastap, elge qaıtqym keledі. Qazaq boksyn jańa deńgeıge kótersem dep armandaımyn", - dedі Baqyt Sársekbaev.
Aıta keteıіk, Baqyt Sársekbaev 2008 Beıjіńde (Qytaı) ótken Olımpıada oıyndarynda bokstan 69 kg deıіngі salmaq dárejesіnde chempıon atanǵan. Sondaı-aq ol úsh márte Azııa bіrіnshіlіgіnde top jarǵan (2002, 2005, 2007).