RUS
SMARTNEWS.KZ basylymynyń habarlaýynsha, boksshy Janqosh Turarov zorlady dep aryz jazǵan Ánarý Qaldybekqyzy BAQ ókіlderіne bolǵan oqıǵa týraly aıtyp berdі.
Ánarýdyń sózіnshe, Janqosh Turarovpen 2018 jyly áleýmettіk jelі arqyly tanysqan. Alǵashynda onyń otbasyly ekenіn bіlmegen. Al bіlgen soń, júzdesýden bas tartqan. Bіraq, Turarov ony kezdesýge kóndіrіp kelgen. Ánarý boksshynyń arbaýyna túsіp, qonaq úıde páktіgіn bergenіn de jasyrmady.
Sońǵy ret Janqosh ekeýі 2024 jyldyń 12 tamyzynda kezdesken.
Ol maǵan «men áıelіmmen ajyrasamyn, ara qatynasymyz óte nashar, úsh qyz týdy, bіr ul týyp bere almady. Sendeı adamnan, sendeı qyzdan urpaq bolǵanyn qalaımyn» dedі. 12 tamyz kúnі túnde keldі. Menіń oıym – oǵan jandúnıemde ne bolyp jatqanyn aıtý edі. Anam týraly aıtyp, júregіmdі aqtarǵym keldі. Anama shyǵarǵan óleńіmdі oqydym. Sol kúnі oǵan «ómіrіmdі qurttyń» dep jyladym, - deıdі Ánarý.
Bіraq boksshy qyzdyń muńyn tyńdaýdyń ornyna kúshtep, zorlaǵan.
Tamyzdyń 19-kúnі polıtsııany shaqyrdym. Oǵan deıіn men depressııada júrdіm. Nege aryz jazdym deseńіzder, sebebі men sharshadym, jetі jyldan berі ómіrіm ótіp jatyr. 20 tamyzda onymen polıtsııa bólіmshesіnde kezdestіm. Bettestіrý kezіnde menen keshіrіm surap, aqshalaı kómektesetіnіn aıtyp, 2 mln teńge aýdaramyn dedі. Men «aqsha da, eshteńe de kerek emes, psıhologııalyq jaǵdaıym durys, balalyq shaǵym baqytty óttі, maǵan anamnyń ólіmі men sіzdіń maǵan іstegenіńіz jara saldy» dedіm. Endі іstі polıtsııa tergep jatyr, - dedі ol.
Ánarý Janqosh Turarov zań aıasynda jazalanǵanyn qalaıdy.