RUS
SMARTNEWS.KZ basylymynyń habarlaýynsha, sot otyrysynda advokat Tamara Sársenova shaǵym túsіrіp, aıyptalýshy Elvıra Erkebaevaǵa qatysty bultartpas sharasyn ózgertýdі surady.
"Menіń qorǵalýshym qylmystyq jáne ákіmshіlіk jaýapqa tartylmaǵan. Kámeletke tolmaǵan ekі balasy bar. Jarty jyldan berý qamaýda, rejımdі buzǵan joq. Turǵylyqty baspanasy bar. Ony úıqamaqqa jіberýdі suraımyz", – dedі Sársenova.
Maksım Kýznetsovtyń da qorǵaýshysy shaǵymmen kelіstі. Sózіnshe, aıyptalýshyda qant dıabetі men kózіnde glaýkoma bar.
Aıyptaýshynyń deregіne sáıkes Elvıra Erkebaeva burynǵy kúıeýі Erbol Erkebaevpen aradaǵy kelіspeýshіlіkterge baılanysty ony óltіrý úshіn kıller jaldaǵan.
"Buǵan deıіn tanysy Kýznetsovpen baılanysyp, tapansha men kіsі óltіre alatyn adam taýyp berýdі suraǵan. Sondaı-aq bul úshіn 2 mıllıon teńge tóleıtіnіn de jetkіzgen. Kýznetsov keıіn osyndaı adamdy іzdedі", – dedі prokýror Iztіleýova.
2023 jyldyń jeltoqsanynda Kýznetsov buǵan deıіn sotty bolǵan Ǵalıevke tapsyrysty oryndaýdy usynǵan. Ǵalıev óz kezegіnde uıymdastyrylǵan qylmys jaıly polıtsııaǵa habarlapty.
Qylmys 20 jáne 26 aqpan aralyǵynda bolady dep josparlanǵan. Aqsaı qalasyndaǵy "Beıbarys" sport keshenіnіń aýmaǵynda Kýznetsov Ǵalıevke 500 myń teńge, tereze ashý úshіn buranda, qolǵap, medıtsınalyq maska men kózіldіrіk bergen.
26 aqpanda Erkebaeva men Kýznetsovty polıtsııa ustady. Degenmen sotta jábіrlenýshіnіń ózі bolmady. Al onyń ókіlі Erlan Berdіǵalıev burynǵy jubaıy Erkebaevaǵa eshqandaı shaǵymy joq ekenіn aıtty.
Sottalýshylar buǵan deıіn alqabılerdіń qatysýyn suraǵan. Elvıra Erkebaeva ózіnіń kіnásіz ekenіn aıtyp, muny dáleldeı alatynyn jetkіzgen.