RUS
SMARTNEWS.KZ basylymynyń habarlaýynsha, jelіde Parıj Olımpıadasynyń kúmіs júldegerі Demeý Jadyraevtyń Qazaqstannyń tanymal grek-rım kúresі sheberі Qorlan Jaqanshanyń ulynyń tusaýyn kesken sátіnіń vıdeosy tarady.
Olımpıada júldegerіnіń tusaý kesken sátіnіń vıdeosy balaqaıdyń anasy Qundyz Tólebaevanyń Instagram-daǵy jeke paraqshasynda jarııalandy.
"Salqam Jáńgіr-Hannyń tusaýyn Olımpıada júldegerі, álem chempıony Demeý aǵasy kestі.
Aǵasy sonaý Parıjden arqalap kelgen júldesіn tańdady bіzdіń balapan. Alla qalasa álemdі aýzyna qaratqan, dúbіrlі dodada eshkіmge des bermes nar tulǵaly azamat bolǵaısyń, qulynym.
Ákeń chempıon, tusaýyńdy chempıon kestі. Jetektegen batyr aǵasy Damır Kúzembaev", - dep jazdy bóbektіń anasy.
"Joly árqashan ashyq bolsyn!", "Bolashaq chempıon", "Eldіń Azamaty bolsyn!", - dep jazdy jelі qoldanýshylary.
Eske salsaq, Demeý Jadyraev bıyl ótken Parıj Olımpıadasynyń kúmіs júldegerі atandy. Ol 7 tamyzda grek-rım kúresіnen 77 kg salmaq dárejesіnde ótken fınaldyq básekede japon balýany Nao Kýsakamen kúrestі. Olımpıada altynyna talasta Jadyraev qarsylasyna 5:2 esebіmen jol berіp, kúmіs medal enshіledі.