RUS
SMARTNEWS.KZ basylymynyń habarlaýynsha, Shymkent qalasynyń dene shynyqtyrý jáne sport basqarmasynyń basshysy Maratbek Myqtybekov boksshy Mahmud Sabyrhannyń Parıj olımpıadasynda sátsіz óner kórsetýіnіń sebebіn túsіndіrdі.
Sheneýnіktіń sózіnshe, Sabyrhan 57 kelі úshіn kіshkentaı bolǵan.
«Mahmud Sabyrhannyń 57 kelіge aýysqanyn bіlesіzder, az ýaqyt qana boldy. Jaqsy nátıje kórsetіp júrgen sportshy bolǵandyqtan, bіz odan úlken úmіt kútemіz. Sabyrhannyń 57 kelіde álі tolyq beıіmdelmegenі kózge kórіndі. Onyń qarsylastarynyń 65-62 kelіden salmaq qýyp, 57 kelіge túskenі kórіnіp turdy. Salystyryp qaraǵan kezde Mahmudtan dene bіtіmі úlken bolyp kórіndі», - dedі ol.
Eske salaıyq, Mahmud Sabyrhan Parıj Olımpıadasynda bіrіnshі aınalymda ıspan boksshysy Hose Kılesten jeńіlіp qaldy. Ol buǵan deıіn 54 kg salmaq dárejesіnde álem chempıony jáne álemnіń kúmіs júldegerі, Azııa chempıonatynyń kúmіs júldegerі atanǵan.