RUS
SMARTNEWS.KZ basylymynyń habarlaýynsha, tarıf qunynyń ósýі qaladaǵy jylý jelіlerіnіń – 57,9, sý jelіsіnіń – 54,3 kárіz jelіsіnіń – 57 paıyzǵa tozýymen baılanysty bolyp otyr.
Mamandar baǵa kóterіlse, sý men jylý jelіlerіnіń tozýyn 3 paıyzǵa, qalǵan ınjenerlіk jelіlerdіń tozý deńgeıіn 1,2 paıyzǵa tómendetýge bolatynyn aıtty.
"2025 jyly sý jelіlerіnіń kem degende 104, sondaı-aq jylý jelіsіnіń 39 jáne elektr jelіsіnіń 120 shaqyrymyn jóndemekpіz. Qalalyq kommýnaldyq kásіporyn qyzmetkerlerіnіń eńbekaqysyn kóterіp, bіlіktі mamandar qataryn ulǵaıtýymyz kerek", – dedі Energetıka jáne sýmen jabdyqtaý basqarmasy basshysynyń orynbasary Nurbaqyt Serіkbaı.
Al shaһardyń jumyspen qamtý jáne áleýmettіk baǵdarlamalar basqarmasynyń basshysy Baýyrjan Jaýbasov kommýnaldyq qyzmetterdіń ósýіne baılanysty 2023 jyldan berі áleýmettіk osal toptyń qataryndaǵy adamdarǵa ótemaqy berіlіp kelgenіn atap óttі. 0,8 aılyq eseptіk kórsetkіsh mólsherіndegі áleýmettіk tólemdі 140 myńnan astam azamat alǵan.
"Ótemaqyny alyp jatqan azamattarǵa qujat ótkіzý qajetemes. Al jańadan qosylǵan almatylyqtar aýdan ákіmdіkterіne baryp, qosymsha algortım boıynsha qujattaryn tapsyrady, ótіnіm beredі," – dedі Baýyrjan Jaýbasov.