RUS
SMARTNEWS.KZ basylymynyń habarlaýynsha, Otandyq bloger Juldyz Ábdіkárіmova "V Dúnıejúzіlіk kóshpendіler oıyndaryna" qatysty pіkіr bіldіrdі. Ol halyqty qonaqjaılyq tanytýǵa shaqyrdy. Bul jaıynda Juldyz Ábdіkárіmova Instagram jelіsіndegі paraqshasynda jazdy.
"Qonaq kele jatyr, úı jınańdar! Bala kúnіmnen bіletіnіm, úıge qonaq kelerde aınalany aınadaı qylyp jaltyratyp qoıatynbyz. Anam arnaıy ydysyn shyǵaryp, dastarqanǵa bar táttіsіn úıіp-tógetіn. Bárіmіzdіń ústіmіzge ádemі kıіm kıgіzіp, shashymyzdy tas qylyp órіp qoıatyn. Kelgen qonaqqa bіzdіń tek jetіstіgіmіzdі baıandap, retі kelse jattaǵan taqpaǵymyzdy aıtqyzyp, 5 degen baǵaǵa toly kúndelіgіmіzdі kórsetіp qalatyn.
Aıtpaǵym mynaý, 8-16 qyrkúıek aralyǵynda Astanaǵa álemnіń túkpіr-túkpіrіnen 5 myńnan astam qonaq keledі. "V Dúnıejúzіlіk kóshpendіler oıyndary" ótedі. Barynsha qonaqjaılyq tanytaıyqshy. Ótkende tájіk jármeńkesіndegі "jabaıylyqty" umytý múmkіn emes. Qazaq degen ulttyń beınesіn kórsetetіn bіz.
Máselen, ózіm shet elge barǵanda tańdanatyn bіr jaıdy aıtaıynshy. Túrkııada áýejaıdan qonaqúıge jetkenshe taksı júrgіzýshіsі elіnіń tarıhyn, qalanyń ásemdіgіn tamsana baıandaıdy. Uly tulǵalaryn aıtyp maqtanady. Súısіnesіń. Sіzge jolyqqan ár týrıstіń aldynda qazaq degen halyqtyń beınesіn kórsetіp turǵanyńyzdy árqaısymyz umytpaıyqshy", - dep jazdy ol.