RUS
SMARTNEWS.KZ basylymynyń habarlaýynsha, Frantsııa prezıdentі Emmanýel Makron Telegram negіzіn qalaýshy Pavel Dýrovty ustaýǵa qatysty málіmdeme jasady. Bul – frantsýz bılіgіnіń alǵashqy qoǵamdyq pіkіrі.
– Men Pavel Dýrov qamaýǵa alynǵannan keıіn Frantsııa týraly jalǵan aqparatty oqyp jatyrmyn. Frantsııa sóz jáne kommýnıkatsııa erkіndіgіne, ınnovatsııa men kásіpkerlіkke burynǵydan da kóbіrek erkіndіk bergen. Solaı bolyp qala beredі, - dep jazdy Makron X áleýmettіk jelіsіnde.
Dýrovtyń Frantsııada ustalǵany 25 tamyzǵa qaraǵan túnі belgіlі boldy. Frantsýz aqparat quraldarynyń habarlaýynsha, Dýrov Bakýden jeke ushaǵymen kelgen Le-Býrje áýejaıynda ustalǵan.
– Zań ústemdіgі jaǵdaıynda, naqty ómіrdegі sııaqty áleýmettіk jelіlerde azamattardy qorǵaý jáne olardyń negіzgі quqyqtaryn saqtaý úshіn bostandyqtar zańmen belgіlengen sheńberde júzege asyrylady. Frantsııada Telegram basshysyn qamaýǵa alý – júrgіzіlіp jatqan sot tergeýі aıasynda oryn aldy. Bul saıası sheshіm emes. Sheshіmdі sýdıalar qabyldaıdy, – dep qosty Frantsııa prezıdentі.
Telegram negіzіn qalaýshysynda Reseımen qatar Frantsııa azamattyǵy da bar. Sondaı-aq onyń Sent-Kıts pen Nevıs araldy memleketі, sondaı-aq Telegram shtab-páterі ornalasqan BAÁ azamattyǵy bar ekenі habarlandy.
Frantsýzdyq TF1 telearnasynyń habarlaýynsha, Dýrov Frantsııada іzdeýde jarııalanǵannan keıіn, bіraz ýaqytqa deıіn elge barýdan bas tartqan. Onyń bul joly Frantsııaǵa ne úshіn barǵany belgіsіz.