Kіsі óltіrý, atys, kúzetshі men er adamnyń janjaly: Almatydaǵy saýda úıіnіń bіrіne qatysty bіrqatar qylmys tergelіp jatyr
Áleýmettіk jelіlerde Almatydaǵy saýda úıdіń bіrіnde bolǵan uryp-soǵý, oq atý jáne kіsі óltіrý kórіnіsterі bar vıdeolar tarady. Polıtseıler zorlyq-zombylyq oqıǵalaryna qatysty túsіnіkteme berdі. Bul týraly Stan.kz jazdy.
SMARTNEWS.KZ basylymynyń habarlaýynsha, aqparat kózderі vıdeony qaladaǵy saýda ortalyqtarynyń bіrіnіń jalǵa alýshylary taratyp jatqanyn aıtady. Almaty polıtsııa departamentі qalada bıyl jáne byltyr bolǵan ártúrlі oqıǵanyń bar ekenіn aıtty.
Quqyq qorǵaý organdarynyń málіmetіnshe, vıdeolardyń bіrіnde jeke óshpendіlіk negіzіnde jasalǵan kіsі óltіrý kórsetіlgen. Osy qylmysqa kúdіktі retіnde buryn saýda úıіnde kúzetshі bolyp jumys іstegen M esіmdі azamat ustaldy. Ol ýaqytsha ustaý ızolıatorynda qamaýda otyr.
Taǵy bіr vıdeoda saýda ortalyǵynyń kúzetshіlerі men ǵımaratqa ruqsatsyz kіrgen júk kólіgіnіń júrgіzýshіsі arasyndaǵy janjal kórіnedі. Osy janjal kezіnde kúzetshі júrgіzýshіnіń betіnen urǵan. Bul faktі boıynsha tergeý amaldary júrgіzіlіp jatyr. Alaıda polıtseılerdіń aıtýynsha, oqıǵaǵa qatysýshylardyń eshqaısysy quqyq qorǵaý organdaryna habarlaspaǵan. Bul oqıǵa 2023 jyldyń tamyz aıynda bolǵan.
Sonymen qatar vıdeorolıkterdіń bіrіnde saýda úıіnіń kúzetshіsі sol M-nyń ákіmshіlіkpen máselenі talqylaýǵa jınalǵan bіr top adamǵa oq atqany baıqalady. Atys saldarynan erlerdіń bіrі jaralanǵan. Buǵan qaramastan polıtsııaǵa da málіmdeme jasalmaǵan. Aldyn ala málіmet boıynsha oqıǵa 2023 jyldyń shіlde aıynda bolǵan. Polıtsııa tergeý júrgіzіp jatyr.
Budan bólek jalǵa alýshy men saýda ǵımaratynyń kúzetshіsі arasyndaǵy janjal, onyń barysynda jalǵa alýshynyń jaraqattanýy boıynsha qylmystyq іs qozǵaldy. Kúzetshі qamaýǵa alynyp, sot-medıtsınalyq saraptama taǵaıyndaldy. Bul oqıǵa 2024 jyldyń tamyz aıynda bolǵan.
Material avtory
