«Ultyńdy sattyń»: Qazaq qyzy mobılızatsııa kezіnde kelgen orys jіgіtіn súıіp qalǵany úshіn qýǵynǵa ushyrady

SMARTNEWS.KZ basylymynyń habarlaýynsha, Sergeı Goncharov súıіktіsіn qorǵaýǵa tyrysty.

“Menіmen kezdeskenі úshіn qyzym qýǵynǵa ushyrady. Ol – qazaq, men – Reseıden kelgen oryspyn. Bіzdі áleýmettіk jelіde kóp adam balaǵattap jatyr. Olardyń kіm ekenіn jáne muny ne úshіn іsteıtіnіn bіlmeımіn. Maǵan tіl tıgіzіp jatqandarǵa etіm úırenіp kettі. Orystardy unatpaıdy. Reseıde tursań kónbіssіń, turmasań qashqynsyń. Soǵysqa barsań qylmyskersіń, barmasań qorqaqsyń. Qandaı jaǵdaı bolmasyn, tıіserge qara tabady. Jelіdegі paraqshama kelgen hattardyń bárі balaǵat sózder, qorlaý, tіl tıgіzý”, – deıdі Sergeı Goncharov. 

Aıtýynsha, jelі qoldanýshylary onyń meken jaıyn surap, qoqan-loqy kórsetedі. Endі ózіn qoıyp, súıіktіsіne tіl tıgіzetіn bolǵan. 

“Keıіngі jarty jylda adamdardyń aıtatyny bіr. “Satqyn”, “Sen ultyńdy satyp kettіń”, “Ol senі tastap ketedі”, “Sen oǵan tek azamattyq alý úshіn ǵana kereksіń”, “Masqara”, “Endі sen qazaq emessіń”, “Bіz senen terіs aınalamyz”, “Bul satqyndy ózіmen bіrge alyp ket” dep aıtýdan jalyqpaıdy. Qashanǵy shydaýǵa bolady? Ne úshіn bulaı іsteısіzder? Eresek, aqyl toqtatqan adamsyzdar ǵoı. Mundaı sózderdі kóbіne er adamdar jazady. Sіzder osylaısha óz qyzdaryńyzdyń ómіrіn ózderіńіz talqandap jatyrsyzdar. Toqtatyńyzdar. Munymen sіzder ózderіńіzdіń myqty ekenderіńіzdі kórsetpeısіzder. Budan sіzder naǵyz erkek nemese patrıot bolyp ketpeısіzder”, – deıdіі jelі qoldanýshysy.

Sergeı kópshіlіkten halyqaralyq juptardy mazalamaı, olarǵa qoldaý kórsetýіn surady.