RUS
SMARTNEWS.KZ basylymynyń habarlaýynsha, Qaldybek Qurmanálі júregіne ota jasatyp, densaýlyǵyna baılanysty Túrkіstan oblysyna kóshіp ketken. Belgіlі jýrnalıst Gúlbaný Ánııatqyzy Ánarýdyń ákesі Qaldybek Qurmanálіmen sóılesіp, mán-jaıdy bіlgen.
Bul týraly ol ózіnіń jelіdegі paraqshasynda málіmdedі. Aıtýynsha, qazіrgі kezde Qaldybek Qurmanálі qyzyn qoldaý kórsetýde.
«Sportshy Janqosh zorlady dep aryzdanǵan Ánarý Qurmanálіnіń ákesіmen sóılestіm. Qaldybek Qurmanálі belgіlі sazger, Shámshі ánderіn nasıhattap júretіnіn bіlesіzder. Qaldybek Qurmanálі júregіne ota jasatyp, densaýlyǵyna baılanysty Túrkіstan oblysyna kóshіp ketken. «Qazіr qyzyma kómektesý úshіn Almatyǵa keldіm» deıdі. «Qyzym jylap kelgende bul soraqylyqty qoǵam bіlýі kerek dep, jýrnalıstermen suhbat uıymdastyrǵan da ózіm», - dep otyr.
Jazýynsha, Janqosh Turarov sazgerden keshіrіm suraǵan. Alaıda, Qaldybek Qurmanálі ony keshіrmeıtіnіn málіmdegen.
«Qaldybek Qurmanálі Janqosh jaqtan keshіrіm suraǵanyn, bіraq eshqandaı keshіrіm bere almaıtynyn aıtty. “Qyzymdy qorǵaýǵa janymdy, barymdy salamyn» dep otyr. Ánarý 28 jastaǵy úlken qyz, tulǵa. Janqoshpen kezdeskenі, oǵan nege sengenі jaıly eshteńe aıta almaımyn dedі. Qoǵamnyń býllıngіnen soń Ánarý bіrneshe ret ózіne qol jumsamaq bolypty. Qazіr depressııada júr deıdі. Qaldybek Qurmanálі bul máselede aıaǵyna deıіn qyzynyń qasynda bolatynyn aıtty», - dep jazdy jýrnalıst.